ۇلتتىق قۇرامانىڭ باس باپكەرى عالىمبەك كەنجەبايەۆ توكيو وليمپياداسىن قورىتىندىلاپ، الداعى جوسپارلارىمەن ءبولىستى، دەپ حابارلادى Vesti.kz.

باس باپكەردىڭ ايتۋىنشا، ەلدە مىقتى رەزەرۆ بار. ەندى سولاردىڭ الەۋەتىن پايدالانۋ كەرەك. ال، قۇرامادا جۇرگەن جىگىتتەردىڭ كەيبىرى كاسىپقوي مانسابىن اياقتاپ، كەيبىرى كاسىپقوي بوكسقا اۋىساتىن كورىنەدى.

ۇلتتىق قۇراما جازعى ويىنداردان 1 التىن، 1 كۇمىس جانە 1 قولا الۋدى جوسپارلاپتى. ءبىراق ءۇمىت ارتقان جىگىتتەر العاشقى اينالىمداردان ۇشقان.

– وسى تۇرعىدا تورەشىلەردىڭ جۇمىسىنا دا ءبىراز سۇراق بار. سەبەبى، ولار كومپيۋتەرلىك تەحنولوگيا بويىنشا كەزدەيسوق تاڭدالدى. كەيبىرى دايىندىقسىز كەلدى. ءتىپتى اعىلشىن ءتىلىن بىلمەيتىندەرى دە بار. سونىڭ سالدارىنان ءارتۇرلى كەلەڭسىزدىكتەر ورىن الىپ جاتتى. قالاي بولعاندا دا ەندى ەستى جيناپ، قاتەلىكتەردى تۇزەپ، الداعى وليمپياداعا دۇرىستاپ دايىندالۋ كەرەك. 

– ءقازىر ەلدە بوكستىڭ رەزەرۆى مىقتى. وليمپياداعا بارا الماي قالعان جىگىتتەر بار. ولار 2024 جىلى وتەتىن پاريج ويىندارىندا جارقىرايتىن بولادى. توكيودان كەيىن قۇراماداعى سپورتشىلاردىڭ ءبىرازى كەتەدى. جالپى العاندا بۋىن الماسۋ پروسەسى بولادى. وسى رەتتە جاستاردىڭ تاجىريبە جيناقتاپ، كەلەسى ءتورت جىلدىققا جاقسى دايىندىقپەن بارۋىنا مۇمكىندىكتەرى بار. قۇلدىراۋدان كەيىن ءالى-اق بيىككە كوتەرىلەمىز، – دەدى باس باپكەر  عالىمبەك كەنجەبايەۆ.