تۇركيانىڭ سولتۇستىك جاعالاۋىندا قاتتى جاۋىن-شاشىننىڭ سالدارىنان سۋ تاسقىنى بولعان. ناتيجەسىندە كوپىر قيراپ، 12 اۋىل جارىقسىز قالدى، دەپ حابارلادى Reuters سايتى.
سايتتىڭ مالىمەتىنشە، سولتۇستىك بارتين پروۆينسياسىندا ءبىر ادام ينفاركتتان قايتىس بولعان. سالدارىنان 12 اۋىلدا ەلەكتر قۋاتى ءۇزىلىپ، ون ءۇش ادام جاراقات العان. توتەنشە جاعدايلار قىزمەتكەرلەرى تاسقىن كەزىندە جوعالعان ادامداردى ىزدەستىرۋ جۇمىستارى باستالعانىن حابارلادى.
ال سينوپ پروۆينسياسىندا بارتيننەن شىعىسقا قاراي 150 ميل (240 كم) جەردە سۋ تاسقىنى سالدارىنان ءۇي قۇلاپ، كولىكتەر سۋدا قالىپ كەتكەن.
ساقتىق شاراسى رەتىندە اۋدانداعى تۇرعىندار، اۋرۋحانالارعا ەۆاكۋاسيالاندى.
ەسكە سالا كەتەيىك، شىلدە ايىنىڭ سوڭىندا تۇركيانىڭ كۋرورتىق ايماعى انتاليانىڭ ماناۆگات اۋدانىندا ورمان ءورتى بولعان. سالدارىنان 50-دەن استام ادام ءتۇرلى دەڭگەيدە جاراقات الىپ، ەلدىڭ وڭتۇستىگىندەگى التى اۋداننىڭ تۇرعىندارى تۇگەل ەۆاكۋاسيالانعان
جەرگىلىكتى بيلىكتىڭ مالىمدەۋىنشە، ءورتتىڭ ورشۋىنە اپتاپ ىستىق پەن ۇيىتقىعان جەل سەبەپ بولعان.
پىكىر قالدىرۋ