الماتى مەكتەپتەرى ءداستۇرلى فورماتتا وقۋعا دايىن. بۇل تۋرالى قالالىق ءبىلىم باسقارماسىنىڭ باسشىسى ءلاززات جىلقىبايەۆا ونلاين بريفينگتە مالىمدەدى.
– الماتىداعى بارلىق مەكتەپ قىزمەتكەرلەرى 100 پايىز ۆاكسينا الدى. ءبىلىم بەرۋ ۇيىمدارى "Ashyq" جوباسىنا قوسىلدى. كوروناۆيرۋس ينفەكسيانىڭ تارالۋىنىڭ الدىن-الۋ ماقساتىندا قالانىڭ ءبىلىم بەرۋ ۇيىمدارى، سانيتارلىق تالاپتاردى ساقتاي وتىرىپ، 1-دەن 11-سىنىپقا دەيىنگى مەكتەپ وقۋشىلارىن ءداستۇرلى فورماتتا وقىتۋعا دايىن، – دەدى ءلاززات جىلقىبايەۆا.
ءبىلىم باسقارماسىنىڭ باسشىسى بالالار نەمەسە بايلانىستا بولعان اتا-انالاردىڭ بالالارى كوروناۆيرۋس ينفەكسياسىمەن اۋىرعان جاعدايدا قاشىقتان ءبىلىم الادى.
باستاۋىش، ورتا جانە جوعارى سىنىپ وقۋشىلارى ءۇشىن مەكتەپكە جەكە كىرۋ ەسىكتەرى قامتاماسىز ەتىلەدى.
سونداي-اق عيمارات ىشىندە بالالار فويە مەن دالىزدەردە بەلگىلەرى كورسەتىلگەن بلوكتار بويىنشا جۇرەتىن بولادى.
پىكىر قالدىرۋ