بيىل قازاقستاننان شەتەلگە كوشكەندەر زەينەتاقى قورىنان 17 ميلليارد تەڭگەدەن استام قاراجات العان. بۇل تۋرالى  31-ارنانىڭ ينفورمبيۋرو باعدارلاماسى مالىمدەدى.

قازاقستاننان ءبىرجولاتا كەتىپ، وزگە ەلدىڭ ازاماتتىعىن العان 8 مىڭنان استام ادام وسى جىلى زەينەتاقى قورىنداعى قاراجاتىن شەشىپ الدى. بۇل – 17 ميلليارد 3 ميلليون تەڭگە. زەينەتاقى قورى 2،2 ميلليارد تەڭگەنىڭ 860 تولەمىن ۇلتتىق ۆاليۋتادا بەرسە، 14 ميلليارد تەڭگەنى رۋبلگە كونۆەرتاسيالاپ اۋدارعان.

ال اقش دوللارىمەن 500 ميلليون تەڭگەگە تەڭ سوما بەرىلگەن. ەۋرومەن 200 ميلليون تەڭگە، فۋند ستەرلينگپەن 50 ميلليون تەڭگەنىڭ تولەمى جۇرگىزىلگەن. بارلىق قارجىلىق وپەراسيا ۇلتتىق بانكتىڭ رەسمي باعامىنا سايكەس ەسەپتەلىنگەن. 

قورداعى قاراجاتتى شەشىپ العانداردىڭ 7 مىڭ 300-دەن استامى رەسەيگە، 71ء-ى گەرمانياعا كەتكەن. بەلارۋس ەلىنە قونىس اۋدارعاندار سانى – 36. ودان كەيىن 18 تولەم تىكەلەي اقش-قا جىبەرىلگەن. وزبەكستانعا تەك 10 ادام تولەم جاساۋدى سۇراتقان. ال ساراپشىلار پىكىرىنشە، قازاقستاننان ءبىلىمدى جاستار مەن بىلىكتى مامانداردىڭ كەتىپ جاتىر.

– بۇل جەردە ەكى ساناتقا بولۋگە بولادى. جاستاردىڭ جانە ورتا بەلدەن اسقان ازاماتتاردىڭ كەتۋى دەپ. جاستاردىڭ كەتۋىنىڭ بىردەن-بىر سەبەبى – ىشكى پوتەنسيالىن، وي-جىگەرىن قازاقستاندا جۇزەگە اسىرا الماۋى. ال ورتا بەلدەن اسقان ازاماتتار تاپشى ماماندار قاتارىن تولىقتىرۋ ءۇشىن كەتىپ جاتىر. كەڭەس وكىمەتى كەزىنەن ساقتالعان ينجەنەر، تەحنولوگتار سەكىلدى ماماندىقتار ءقازىر شەت مەملەكەتتەردە جوعارى سۇرانىسقا يە، – دەدى ەكونوميست ماقسات سەرالى. 

ساراپشىلار قونىس اۋدارعانداردىڭ ىشىندە بايىرعى وتانىنا قايتا كەتكەندەردىڭ دە از ەمەس ەكەنىن ايتادى. ءبىراق، جاستاردىڭ كوبى شەتەلدىك كومپانيالاردىڭ ۇسىناتىن الەۋمەتتىك پاكەتتەرىنە قىزىعىپ جۇرگەن كورىنەدى.

ايتا كەتەيىك، جيناقتالعان زەينەتاقى قاراجاتتارى باسقا ەلدىڭ ازاماتتىعىن العان جاعدايدا عانا بەرىلەدى. ال شەتەلدە ۋاقىتشا تۇراتىندارعا مۇنداي مۇمكىندىك جوق. قازاقستانعا كەلۋشىلەردەن قاراعاندا ەلدەن كەتىپ جاتقانداردىڭ سانى باسىم. ماسەلەن، وسى جىلدىڭ قاڭتار-مامىر ارالىعىندا ەلىمىزگە تۇرعىلىقتى تۇرۋعا كەلگەندەردىڭ سانى 3 662 ادام بولسا، كەتكەندەردىڭ سانى 10 مىڭعا جۋىق ادامدى قۇرايدى.