شىمكەنت قالاسىنىڭ اكىمى مۇرات ايتەنوۆ الەۋمەتتىك جەلىدە اپتا سايىن وتەتىن تىكەلەي ەفيرىن قايتا جالعاستىردى. ادەتتەگىدەي قالا باسشىسى الدىمەن قالىپتاسقان ەپيداحۋال جونىندە قىسقاشا ايتىپ ءوتىپ، جاعدايدىڭ كۇردەلى ەكەندىگىن، بەكىتىلگەن سانيتارلىق تالاپتاردى ساقتاۋ جاقىندارىمىزدىڭ اماندىعىنا كەپىل بولاتىنىن ايتتى.

بۇگىنگى ەفير تۇرعىن ءۇي قاتىناستارى سالاسىنداعى ماڭىزدى ماسەلە – مۇلىك يەلەرى بىرلەستىگى مەن جاي سەرىكتەستىكتەر ماسەلەسىنە ارنالدى.بۇگىنگى ەفير تۇرعىن ءۇي قاتىناستارى سالاسىنداعى ماڭىزدى ماسەلە – مۇلىك يەلەرى بىرلەستىگى مەن جاي سەرىكتەستىكتەر ماسەلەسىنە ارنالدى. «ءبىر ءۇي - ءبىر بىرلەستىك - ءبىر شوت» قاعيداتى بويىنشا ىسكە اساتىن بۇل رەفورما تۇرعىن ءۇي قاتىناستارىن جاڭا دەڭگەيگە شىعارماق. كوپقاباتتى تۇرعىن ءۇيدى باسقارۋ فورماسى ايقىندالىپ، پاتەر جانە تۇرعىن ەمەس ءۇي جايلارى يەلەرىنە ورتاق مۇلىكتى باسقارۋعا كەڭ مۇمكىندىكتەر بەرىلمەك. تۇرعىن ءۇيدى باسقارۋدىڭ جاڭا نىسانىن ەنگىزۋ ارقىلى ءاربىر ۇيگە ءوز تۇرعىندارى ىشىنەن ورتاق ۇيىم قۇرىپ، ونىڭ ەسەپشوتى ارقىلى قارجىلىق وپەراسيالار جۇرگىزۋگە مۇمكىندىك بەرىلەدى. وسى ۇيىمدارعا بىرىككەن تۇرعىندار ءوزارا كەڭەسە وتىرىپ، ورتاق مۇلىكتى باسقارۋدى ىسكە اسىرادى، ولار بويىنشا جوندەۋ جۇرگىزۋ، جالعا بەرۋ باستامالارىن اتقارادى.

تۇرعىندار تاراپىنان تۇسكەن ساۋالداردىڭ مازمۇنى اركەلكى بولدى. ونىڭ ىشىندە ەكولوگيالىق جوبالار، تۇرعىن ءۇي قۇرىلىسى، كوممۋنالدىق سالاعا قاتىستى سۇراقتار، ىندەتپەن كۇرەس ماسەلەلەرى، بالالاردىڭ ساباققا بارۋ مۇمكىندىگى، تاعى باسقا سۇراقتار بولىپ، تولىققاندى جاۋاپتار بەرىلدى.

ەفيرگە ارقاۋ بولعان تاقىرىپ اياسىندا مۇلىك يەلەرى بىرلەستىگى مەن جاي سەرىكتەستىكتەردى قۇرۋ ءتارتىبى ءتۇسىندىرىلىپ، وسى ۇيىمدارعا بىرىگۋ ارقىلى تۇرعىندار ءوز ۇيلەرىن جوندەۋدەن وتكىزۋگە جوبا-سمەتالىق قۇجات ازىرلەۋگە تاپسىرىس بەرە الاتىنى، جوندەۋ جۇمىستارىنا 0،02 پايىزبەن ۇزاقمەرزىمدى جانە قايتارىمدى نەسيە الۋعا تاپسىرىس بەرۋگە مۇمكىندىگى بولاتىنى، ورتاق مۇلكىن جالعا بەرىپ، ودان تۇسكەن قاراجاتتى ءوز ۇيلەرىنە جاراتا الاتىنى ايتىلدى. تۇرعىندار جوندەۋ جۇمىستارى بويىنشا تاپسىرىس بەرۋشى مىندەتىن اتقارىپ، مەردىگەر تاراپىنان اتقارىلعان جۇمىستاردى ءتيىستى اكت بويىنشا قابىلداپ الادى جانە بۇل جۇمىستارعا اكت بويىنشا تولەم جۇرگىزەتىن بولادى.

ايتا كەتۋ كەرەك، شىمكەنتتە جاڭا باسقارۋ نىسانىن قۇرۋعا بولاتىن 2106 كوپقاباتتى تۇرعىن ءۇي بار. بۇگىندە 94 ۇيدە مۇلىك يەلەرى بىرلەستىگى قۇرىلسا، جاي سەرىكتەستىكتەر 475 ۇيدە قۇرىلعان. بۇل رەسپۋبليكاداعى ەڭ جوعارى كورسەتكىش.

ەفير بارىسىندا قالا اكىمى تۇرعىنداردان تۇسكەن 16 سۇراققا جاۋاپ بەردى. پاراقشادا قالدىرىلعان ءاربىر سۇراققا مەملەكەتتىك قۇرىلىمدار تاراپىنان جازباشا تۇردە جاۋاپ بەرىلەدى.