الماتى قالالىق ءبىلىم باسقارماسىنىڭ باسشىسى ءلاززات جىلقىبايەۆا ساباق ۋاقىتىندا وقۋشىلار ماسكا رەجيمىن ساقتايتىنىن ايتتى.
– بالالار ساباقتا بەتپەردە كيەدى، ءبىراق اسحانا مەن دەنە شىنىقتىرۋ ساباعىندا بەتپەردە كيۋ مىندەتتى ەمەس. دەنە تاربيەسى دالادا بولاتىندىقتان، قاشىقتىق ساقتالادى. اسحانادا ءبىز دە بارلىق سانيتارلىق نورمالاردىڭ ساقتالۋىن تالاپ ەتەمىز، – دەدى ول.
ءبىلىم باسقارماسىنىڭ باسشىسى بارلىق مەكتەپتىڭ بالالارى ماسكامەن تولىقتاي قامتاماسىز ەتىلەتىنىن اتاپ ءوتتى.
– بالالاردى انتيسەپتيكپەن جانە ماسكالارمەن قامتاماسىز ەتۋ اتا-انالاردىڭ موينىندا. ەگەر اتا-انالاردىڭ مۇندايعا مۇمكىندىگى بولماسا، وندا مەكتەپ ماسكامەن قامتاماسىز ەتەدى، – دەپ ءسوزىن تۇيىندەدى ل.جىلقىبايەۆا.
پىكىر قالدىرۋ