شىمكەنت قالاسى بويىنشا تۇرعىن ءۇي كەزەگىندەگى ازاماتتار ءۇشىن «نۇرلى جەر» مەملەكەتتىك باعدارلاماسى اياسىندا «شاڭىراق» باعىتى ارقىلى نەسيەلىك باسپاناعا وتىنىمدەر قابىلداۋ اعىمداعى جىلدىڭ 13 تامىز كۇنى ساعات 10:00 دەن 23 تامىز ساعات 23:00 ارالىعىندا جۇرگىزىلەدى.

«شاڭىراق» باعدارلاماسى بويىنشا تىكەلەي ساتىلىم وتباسى بانكتىڭ جاڭا پورتالى baspana.otbasybank.كz سايتىندا جۇرگىزىلمەك. وتىنىشتەر تەك تۇرعىن ءۇي كەزەگىندە تۇرعان ازاماتتاردان قابىلدانادى. اتالعان باعىت بويىنشا العاشقى جارنا پاتەر قۇنىنىڭ 10% قۇرايدى، نەسيە جىلدىق سىياقىسى 5%-بەن بەرىلەدى. باسپانا قۇنىنىڭ 1 شارشى مەترى 200 000 تەڭگەنى قۇرايدى.

ايتا كەتۋ كەرەك، اتالعان باعىت بويىنشا اعىمداعى جىلى 27 تۇرعىن ۇيلەردەگى پاتەرلەردى ساتۋ ءۇشىن «وتباسى بانك» ءوزىنىڭ ينتەرنەت رەسۋرستارى ارقىلى تۇرعىن ءۇي كەزەگىندە تۇرعان ازاماتتاردان 3 كەزەڭمەن وتىنىمدەر قابىلداعان بولاتىن.