حالقىنىڭ سانى ميلليوننان اساتىن شىمكەنتتىڭ شامامەن 883 مىڭ (80،8%) تۇرعىنى بۇگىنگى تاڭدا مىندەتتى الەۋمەتتىك مەديسينالىق ساقتاندىرۋ جۇيەسىنە تىركەلگەن. ال، ساقتاندىرىلماعاندار سانى – 210 مىڭنان (18،2%) اسادى.

بارلىق جۇيەنىڭ قاتىسۋشىلارى، تابىس مولشەرىنە قاراماستان، وسى جۇيەدە كورسەتىلەتىن بارلىق مەديسينالىق كومەككە، ونىڭ ىشىندە جوعارى تەحنولوگيالىق زەرتتەۋلەر، قىمبات باعالى مەديسينالىق قىزمەتتەر جانە وتالارعا بىردەي قول جەتكىزە الادى،- دەيدى اتالمىش قوردىڭ شىمكەنت قالالىق فيليال ديرەكتورى ءسابيت قۇرالبەك.

بۇگىن شىمكەنت قالاسىندا «الەۋمەتتىك مەديسينالىق ساقتاندىرۋ» جۇيەسى اياسىندا شىمكەنت قالاسى بويىنشا فيليالىنىڭ ديرەكتورى قۇرالبەك سابيت رايىمبەك ۇلى باسپا ءسوز ماجىلىسىندە مىندەتتى مەديسينالىق ساقتاندىرۋ جۇيەسىنىڭ حالىققا ءتيىمدى تۇستارىنا توقتالدى.

ايتىپ وتسەك، 2020 جىلدىڭ 1ء-شى قاڭتارىنان ەلىمىزدە مىندەتتى الەۋمەتتىك مەديسينالىق ساقتاندىرۋ جۇيەسى ەنگىزىلىپ، ءوز جۇمىسىن جالعاستىرۋدا. بۇگىنگى كۇنگە وزەكتى بولىپ تابىلاتىن ماسەلە – ول تۇرعىنداردىڭ وسى جۇيەنىڭ قاتىسۋشىسى بولۋى. مىندەتتى الەۋمەتتىك مەديسينالىق ساقتاندىرۋ جۇيەسىنىڭ باستى تالابى – ول ءار تۇرعىننىڭ وسى جۇيەنىڭ قاتىسۋشىسى بولۋى، ياعني – وسى جۇيەدە «ساقتاندىرىلعان» مارتەبەسىنە يە بولىپ، قاجەت بولعان جاعدايدا دەر كەزىندە مەديسينالىق كومەككە قول جەتكىزۋى.

 – بۇل باعىتتا، تۇرعىنداردى وسى جۇيەگە بارىنشا تارتۋ جۇمىستارى جالعاسۋدا.شىمكەنت قالاسى بويىنشا بۇگىنگى كۇنگە ساقتاندىرلعاندار سانى 882 807 قۇراسا، ساقتاندىرىلماعاندار سانى – 210 377 تۇرعىندى قۇرايدى. سونىمەن قاتار، مەديسينالىق ساقتاندىرۋ جۇيەسى ەنگىزىلگەننەن كەيىن تۇرعىنداردىڭ دەنساۋلىعىن ساقتاۋعا بولىنگەن قاراجات مولشەرى ۇلعايدى. ياعني، بۇل جۇيە ەنگىزىلگەن ۋاقىتقا دەيىن ازاماتتار تەك قانا تەگىن مەديسينالىق كومەكتىڭ كەپىلدەنگەن كولەمى شەڭبەرىندە مەديسينالىق كومەكتى الاتىن. ال بۇگىندە جۇيەنىڭ قاتىسۋشىلارى قوسىمشا قاراجات جۇمساماي، مىندەتتى الەۋمەتتىك ساقتاندىرۋ جۇيەسىندە قوسىمشا مەديسينالىق كومەك الۋ مۇمكىندىگىنە يە، – دەدى قۇرالبەك سابيت "الەۋمەتتىك مەديسينالىق ساقتاندىرۋ قورى" كەاق شىمكەنت قالاسى بويىنشا فيليالىنىڭ ديرەكتورى 

قالادا حالىققا مەديسينالىق كومەك كورسەتۋگە ۇمىتكەر مەديسينالىق مەكەمەلەر سانى ۇلعايعان. وسى جىلى 120 مەديسينالىق مەكەمەمەن كەلىسىمشارت جاسالىپ، ونىڭ 87ء-ى جەكە مەنشىك يەسىندەگى ۇيىمداردى (72،5%) قۇرايدى.

مەديسينالىق مەكەمە سانىنىڭ ارتۋى ولاردىڭ اراسىندا شىنايى باسەكەلەستىكتى تۋعىزادى. ال اتالعان جۇيەدە ءار تۇرعىن ەمدەۋ مەكەمەسىن تاڭداۋعا قۇقىلى. بۇل رەتتە مەديسينالىق مەكەمەلەر تۇرعىنداردى وزدەرىنىڭ مەكەمەسىنە تارتۋ ءۇشىن جاعداي جاسايدى، ءبىرىنشى كەزەكتە مەديسينالىق كومەك ساپاسىن ارتتىرادى.

بريفينگتە بەلگىلى بولعانداي تۇرعىندار اراسىندا «Qoldau 24/7» اتتى موبيلدىك قوسىمشاسى كەڭىنەن تاراۋدا. بۇل قوسىمشا ارقىلى ءار تۇرعىن ساقتاندىرۋ بويىنشا تولىق اقپارات الۋعا، دەنساۋلىق ساقتاۋ سالاسىنداعى وزگەرىستەر مەن ۇسىنىستار قالدىرۋعا، مەديسينالىق مەكەمە نەمەسە مەديسينا قىزمەتكەرلەرى تاراپىنان بولعان كەمشىلىكتەر تۋرالى ارىز-شاعىم تۇسىرۋگە بولاتىدىعىن، ايتىپ ءوتتى سابيت رايىمبەك ۇلى.