شىمكەنت قالاسىنىڭ پوليسيا دەپارتامەنتى پاترۋلدىك پوليسيا پولكىنىڭ قىزمەتكەرلەرى اعىمداعى جىلدىڭ قاڭتار جانە شىلدە ايلارىنىڭ ارالىعىندا رەيدتىك ءىس-شارالار وتكىزۋ بارىسىندا ماس كۇيىندە كولىك قۇرالىن باسقارعان 371 جۇرگىزۋشىنى ۇستادى.
اتالعان جۇرگىزۋشىلەر قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنىڭ 608-بابى بويىنشا جاۋاپكەرشىلىككە تارتىلدى.
زاڭناماعا سايكەس جۇرگىزۋشىنىڭ كولىك قۇرالىن الكوگولدىك، ەسىرتكىلىك جانە (نەمەسە) ۋىتقۇمارلىق ماساڭ كۇيدە باسقارۋى، سول سياقتى كولىك قۇرالىن الكوگولدىك، ەسىرتكىلىك جانە (نەمەسە) ۋىتقۇمارلىق ماساڭ كۇيدەگى ادامنىڭ باسقارۋىنا بەرۋ – 15 تاۋلىككە اكىمشىلىك قاماققا الۋعا جانە 7 جىل مەرزىمگە كولىك قۇرالىن باسقارۋ قۇقىعىنان ايىرۋعا الىپ كەلەدى.
پوليسيا قىزمەتكەرلەرى اۆتوكولىك يەلەرىنە جول ءجۇرۋ ەرەجەلەرىن قاتاڭ ساقتاۋ قاجەتتىگىن، سونداي-اق ماس كۇيدە كولىك جۇرگىزگەنى ءۇشىن جاۋاپكەرشىلىك تۋرالى ەسكە سالادى.
پىكىر قالدىرۋ