كاراتەدەن XXXII جازعى وليمپيادا ويىندارىنىڭ جۇلدەگەرلەرى دارحان ءاسادىلوۆ پەن سوفيا بەرۋلسيەۆا تۋعان جەرگە ورالدى. شىمكەنت قالاسىنىڭ حالىقارالىق اۋەجايىندا جەڭىمپاز سپورتشىلاردى جەرلەستەرى زور قوشەمەتپەن كۇتىپ الدى.

– وڭاي جارىس بولعان جوق. قارسىلاستار دا وتە مىقتى. ەل ءۇشىن، جەر ءۇشىن، تۋ ءۇشىن بار كۇشىمىزدى سالدىق. بۇيىرعانى وسى ەكەن. ەلگە ورالعانشا وكىنىش سەزىمى بولدى، الايدا جاقىندارىمنىڭ، وتانداستارىمنىڭ قولداۋى مەن قۋانىشىن كورىپ، بارلىعىن ۇمىتىپ، مارقايىپ قالدىق، –  دەدى دارحان ءاسادىلوۆ وليمپيادا ويىندارىنىڭ قولا جۇلدەگەرى 

– مەن قازاقستان ءۇشىن كۇرەستىم، ءبارىمىز كۇرەستىك! بارلىق سپورتشىلار ءوز كۇشتەرىن سالعاندىعىنا كۇمانىم ءجوق. الدا ودان دا بيىك شىڭداردى باعىندىرامىز. بارلىقتارىڭىزدىڭ قولداۋلارىڭىزعا راحمەت.

شىمكەنت قالاسىنىڭ اكىمى مۇرات ايتەنوۆ عالامدىق باسەكەدە جۇلدەگەر اتانعان سپورتشىلاردى اۋەجايدان قارسى الىپ، جەرلەستەرىمىزدى جارقىن جەڭىسىمەن قۇتتىقتادى. ءتورت جىلدىقتىڭ باستى باسەكەسىندە ەل ءۇمىتىن اقتاعانىن، الداعى ءدۇبىرلى دودالاردا ودان دا جوعارى جەتىستىكتەرگە جەتۋلەرىنە ساتتىلىك تىلەدى. قالا اكىمى سايىپقىران سپورتشىلارعا دەمەۋشى ازاماتتاردىڭ اتىنان تەمىر تۇلپاردىڭ كىلتىن تابىس ەتتى، – دەدى سوفيا بەرۋلسيەۆا وليمپيادا ويىندارىنىڭ قولا جۇلدەگەرى

– جەڭىمپازداردى شىن كونىلمەن قۇتتىقتايمىز. ارينە، بۇل ولاردىڭ كوپكۇندىك تاباندى جاتتىعۋلارىنىڭ اسەرلى ناتيجەسى بولىپ تابىلادى. الدا ودان دا ۇلكەن جەتىستىككە جەتىپ، ەل ءۇمىتىن اقتاۋدا ساتتىلىك تىلەيمىن، – دەدى مۇرات ايتەنوۆ شىمكەنت قالاسىنىڭ اكىمى

ايتا كەتسەك، توكيو وليمپياداسىندا شىمكەنت قالاسىنان 10 سپورتشى ب ا ق سىناعان بولاتىن. كاراتە سپورتىنان دارحان ءاسادىلوۆ پەن سوفيا بەرۋلسيەۆا جارتىلاي فينالعا دەيىن جەتىپ، قولا جۇلدەگەر اتاندى.