«قويۋ قىزىل» ايماقتاعى شىمكەنتتە Ashyq جوباسىنىڭ قاتىسۋشىلارى ءۇشىن جۇمىس ۋاقىتى 2 ساعاتقا ۇزارتىلدى.

ق ر ممجت 29 شىلدەدەگى №33 قاۋلىسىنا سايكەس، «Ashyq» جوباسىنا قاتىساتىن كاسىپكەرلىك سۋبەكتىلەرىنە 9 تامىزدان باستاپ ساعات 22.00 — گە دەيىن، ال «Ashyq جوباسىنىڭ «كوشباسشىسى»مارتەبەسى بار وبەكتىلەرگە ساعات 00.00-گە دەيىن جۇمىس ىستەۋگە رۇقسات ەتىلدى. ەپيدجاعدايدى باعالاۋ ماتريساسىندا «قويۋ-قىزىل» ايماق ۇعىمىنىڭ ەنگىزىلۋىمەن كوپتەگەن وبەكتىلەرگە، سونىڭ ىشىندە Ashyq كوشباسشىلارىنا دەمالىس كۇندەرى جۇمىس ىستەۋگە تىيىم سالىندى.

شىمكەنت قالاسىنىڭ سانيتارلىق-ەپيدەميولوگيالىق باقىلاۋ دەپارتامەنتى كاسىپكەرلەرگە بۇل تىيىم 16 تامىزعا دەيىن ساقتالاتىنىن ءتۇسىندىردى. الايدا، 9 تامىزدان باستاپ جۇمىس كۇندەرى نىسانداردىڭ جۇمىس كەستەسى قايتا قارالدى.

– بۇگىنگى تاڭدا شىمكەنت قالاسى بويىنشا Ashyq جوباسىنىڭ نەبارى 7 446 قاتىسۋشىسى، شىمكەنت قالاسى اكىمدىگىنىڭ سايتىندا Ashyq-تىڭ 1 101 قاتىسۋشىسىنىڭ، سونداي-اق 21 «Ashyq كوشباسشىلارىنىڭ» ءتىزىمى ورنالاستىرىلعان، كەلۋشىلەردىڭ 0 chek-in ءۇشىن 51 QR-كودى وشىرىلگەن. رەسپۋبليكالىق قاۋلىنىڭ تالاپتارىن ەسكەرە وتىرىپ، 9 تامىزدان باستاپ شىمكەنت قالاسىنىڭ باس مەملەكەتتىك سانيتارلىق دارىگەرى Ashyq جوباسىنىڭ قاتىسۋشىلارىنا 09 تامىزداعى №27 قاۋلىسىمەن جۇمىس ءتارتىبى ەكى ساعاتقا ۇزارتىلدى، ياعني ساعات 22:00 – گە دەيىن، ال كوشباسشىلارعا ساعات 00:00-گە دەيىن ۇزارتتى. كەلىسسوزدەر مەن حات الماسۋ، نەگىزدەمەلەر كەلتىرۋ ارقىلى بۇرىن قاۋلىمەن تىيىم سالىنعان كاسىپكەرلىك نىساندارىنىڭ Ashyq جوباسى ارقىلى جۇمىس ىستەۋ ماسەلەسى شەشىلدى، –  دەدى نۇرلان قىبىشتايەۆ شىمكەنت قالاسى كاسىپكەرلەر پالاتاسىنىڭ ديرەكتورى