شىمكەنت قالالىق قۋىرشاق جانە جاسوسپىرىمدەر تەاترىنىڭ 39-شى ماۋسىمى اشىلدى. جاڭا ماۋسىم ەلىمىزدىڭ كور¬نەك¬¬ءتى مەملەكەت جانە قوعام قايراتكەرى، جازۋ¬شى-دراماتۋرگ راحىمجان وتاربايەۆتىڭ «ساعىنىش ءشوبى» قويىلىمىمەن باستالدى.

قازاق دراماتۋرگياسىنىڭ كلاسسيكالىق تۋىندىسى جەلىسىندە ساحنالانعان بۇل قويىلىم تاريحي دەرەكتەرگە نەگىزدەلىپ، كورەرمەنگە ۇلتتىق بولمىس پەن ەرلىك، وتانسۇيگىشتىكتى دارىپتەيتىن ەرەكشە تۋىندى دەسەك بولادى. قويۋشى رەجيسسەرى م.مالدىبايەۆا، قويۋشى سۋرەتشى گ.بابايەۆا.

ەستەرىڭىزگە سالساق تەاتر 38ء-شى ماۋسىمىندا قالىڭ كورەرمەندى ءتۇرلى جانرداعى قويىلىمدارمەن ءتانتى ەتكەن بولاتىن. اتاپ ايتساق، الەمدىك دەڭگەيدەگى كلاسسيكالىق تۋىندى بولىپ تابىلاتىن ن.گوگولدىڭ «جەنيتبا» كومەدياسى، د.سالاماتتىڭ «قاسقىر ءشوپ جەي مە؟» ەرتەگىسىن، م.مالدىبايەۆانىڭ «اسىل ءشوپ» قويىلىمى، ا.التىنبەكوۆتىڭ «راحمەت ساعان، دارىگەر!» قويىلىمىنىڭ پرەمەراسىن كورەرمەنگە تارتۋ ەتكەن بولاتىن. بيىلعى جاڭا ماۋسىمدا جاڭا پرەمەرالارمەن قاتار ءتۇرلى قويىلىمدار سىزدەردى اسىعا كۇتەدى دەگەن زور سەنىم بار.

شىمكەنت قالالىق قۋىرشاق جانە جاسوسپىرىمدەر تەاترى 1984 جىلى العاش رەت گ.لانداۋدىڭ «كۋ-كا-رە-كۋ» سپەكتاكلىمەن شىمىلدىعىن اشىپ، بۇگىنگى كۇنگە دەيىن ۇزدىكسىز جۇمىس جاساپ كەلەدى. تەاتر رەپەرتۋارىندا بۇگىنگى تاڭدا وتاندىق جانە شەتەلدىك اۆتورلاردىڭ قازاق جانە ورىس تىلدەرىندە 150-گە جۋىق قويىلىمدارى بار.

ايتا كەتەيىك، اتالعان تەاترعا كارانتين تالاپتارىنا سايكەس Ashyq جوباسىمەن كىرۋگە رۇقسات ەتىلەدى. مۇندا ماسكا رەجيمى مەن الەۋمەتتىك قاشىقتىقتى ساقتاي وتىرىپ، تولىمدىلىعىن 30 پايىزدان اسىرماي قىزمەت كورسەتىلەدى.