الماتى قالاسىندا جالعان پسر ناتيجەسىن ساتقان ستۋدەنت ۇستالدى، دەپ حابارلادى Polisia.kz. 

جەدەل-ىزدەستىرۋ شارالارى ناتيجەسىندە جەكە مەديسينالىق ورتالىقتىڭ ەگۋ بولمەسىندە مەديسينالىق قىزمەتكەر بولىپ جۇمىس ىستەيتىن 25 جاستاعى ح. ەسىمدى مەديسينا ۋنيۆەرسيتەتىنىڭ ستۋدەنتى ۇستالدى.

كۇدىكتى ءوز قىزمەتىن 20 مىڭ تەڭگەگە باعالاعان. اتالعان وقيعاعا بايلانىستى قىلمىستىق كودەكستىڭ 385-بابى 1-تارماعى (جالعان قۇجاتتاردى، مورلەردi، بلانكىلەردى، مەملەكەتتiك پوشتا تولەمى بەلگىلەرىن، مەملەكەتتiك ناگرادالاردى قولدان جاساۋ، دايىنداۋ نەمەسە وتكiزۋ) بويىنشا تەرگەۋ جۇرۋدە. 

– كۇدىكتى تەك ءبىر رەت جالعان پسر ناتيجەسىن جاساعانىن مويىنداپ وتىر. تەرگەۋ بارىسىندا ونىڭ قانشا ادامعا جالعان قۇجات دايىنداپ بەرگەنىن انىقتايتىن بولامىز، – دەدى قالالىق پوليسيا دەپارتامەنتى كريمينالدىق پوليسيا باسقارماسىنىڭ باستىعى قۋاتبەك ناۋاتوۆ.