شىمكەنت قالاسىنىڭ اكىمى مۇرات ايتەنوۆتىڭ توراعالىعىمەن «تۇران» شاعىناۋدانىن دامىتۋ بويىنشا جيىن ءوتتى. جيىندا شاعىناۋدانداعى كوپقاباتتى تۇرعىن ۇيلەردىڭ قۇرىلىس بارىسى، اباتتاندىرۋ، ينفراقۇرىلىم تارتۋ ماسەلەلەرى تالقىلاندى.

قالادا 2021 جىلى «نۇرلى جەر» مەملەكەتتىك باعدارلاماسى اياسىندا 79 كوپقاباتتى تۇرعىن ءۇيدىڭ قۇرىلىسىن جۇرگىزۋ جوسپارلانعان. ونىڭ ىشىندە: ارەندالىق – 18 ءۇي ، كرەديتتىك 61 ءۇي قاراستىرىلعان. تۇران شاعىناۋدانىندا 2021 جىلى 61 تۇرعىن ءۇيدىڭ قۇرىلىسىن جۇرگىزۋ جوسپارلانعان. قازىرگى تاڭدا 57 ءۇيدىڭ قۇرىلىسى اتقارىلۋدا. شاعىناۋداندا بيىل 29 كرەديتتىك تۇرعىن ءۇي پايدالانۋعا بەرىلەدى. اتاپ ايتقاندا شىلدە ايىندا 9 قاباتتى 3 تۇرعىن ءۇيدىڭ قۇرىلىسى اياقتالسا، 1 تامىزدا 12 قاباتتى 2 تۇرعىن ءۇي پايدالانۋعا تاپسىرىلعان.
شاعىناۋداندا 12 قاباتتى 10 ءۇيدىڭ قۇرىلىس جۇمىستارىنا جاۋاپتى مەردىگەر مەكەمەلەر – «وتاۋ-ستروي» ج ش س مەن «ارت-قۇرىلىس» ج ش س. بۇگىنگى تاڭدا تۇرعىن ۇيلەردىڭ مونوليت قابىرعالارى 100 %، گازوبلوك قالاۋ 100 %، ىشكى ارلەۋ جۇمىستارى 90%، ينجەنەرلىك جۇيەلەر 90 % جۇمىستارى ورىندالدى. №5،7 ۇيلەر 30 شىلدە كۇنى پايدالانۋعا تاپسىرىلدى. № 9 ءۇي 30 تامىزدا، ال قالعان ۇيلەردى 30 قىركۇيەكتە پايدالانۋعا تاپسىرۋ جوسپارلانعان.
سونداي-اق، 12 قاباتتى 5 ءۇيدىڭ قۇرىلىس جۇمىستارىن «اۆتورەمستروي لتد» ج ش س، 12 قاباتتى 2 ءۇيدىڭ قۇرىلىس جۇمىستارىن «سك رەال-ستروي» ج ش س، 9 قاباتتى 3 ءۇيدىڭ قۇرىلىس جۇمىستارىن «شەبەر بيۋلدينگ» ج ش س جۇرگىزۋدە. 12 ارەندالىق تۇرعىن ءۇيدىڭ قۇرىلىسىن «كورپوراسيا سيتي-ستروي» ج ش س مەن «وتاۋ-ستروي» ج ش س جۇزەگە اسىرۋدا.