شىمكەنتتىك نازاربايەۆ زياتكەرلىك مەكتەبىنىڭ وقۋشىسى قازاقستان تاريحىندا العاش رەت گەوگرافيادان IGEO – 2021 حالىقارالىق وليمپياداسىنىڭ كۇمىس جۇلدەگەرى اتاندى.

بۇگىن شىمكەنت قالاسى حيميا-بيولوگيا باعىتىنداعى نازاربايەۆ زياتكەرلىك مەكتەبىندە گەوگرافيا پانىنەن وتكەن حالىقارالىق وليمپيادانىڭ كۇمىس جۇلدەگەرى زياتكەر وقۋشى تازابەك ەركەبۇلاندى جۇلدەسىمەن قۇتتىقتاۋ ءراسىمى ءوتتى. قۇتتىقتاۋ راسىمىنە شىمكەنت قالاسى ءبىلىم باسقارماسىنىڭ باسشىسى جانات ارىسبەك قىزى تاجييەۆا، شىمكەنت قالاسى حيميا-بيولوگيا باعىتىنداعى نازاربايەۆ زياتكەرلىك مەكتەبىنىڭ ديرەكتورى كايىربەك سابيت ۇلى بۋكسۋكبايەۆ جانە زياتكەر وقۋشى ەركەبۇلاننىڭ اتا-اناسى قاتىستى.

گەوگرافيا پانىنەن حالىقارالىق وليمپيادا 1996 جىلدان بەرى حالىقارالىق گەوگرافيالىق وداقتىڭ جەتەكشىلىگىمەن وتكىزىلىپ كەلەدى. العاشقى زياتكەرلىك جارىس گااگادا ۇيىمداستىرىلسا، بيىل وليمپيادا استاناسى ىستامبۇل اتانىپ، قاشىقتان وتكىزىلدى. جەڭىس ءۇشىن الەمنىڭ 46 ەلىنەن 200 وقۋشى ب ا ق سىناسىپ، ونىڭ ەكەۋى نازاربايەۆ زياتكەرلىك مەكتەپتەرىنىڭ وقۋشىلارىنا بۇيىردى – ەلگە ءبىرىنشى التىندى اقتوبەدەگى زياتكەرلىك مەكتەپ وقۋشىسى رۋستام ۆالەيەۆ يەلەنسە، ال كۇمىس مەدالدى شىمكەنت قالاسىنداعى حيميا-بيولوگيا باعىتىنداعى NIS وقۋشىسى ەركەبۇلان تازابەك جەڭىپ الدى.

جيىندا العى ءسوز العان شىمكەنت قالاسى ءبىلىم باسقارماسىنىڭ باسشىسى جانات ارىسبەك قىزى ەلىمىزدىڭ كەلەشەگى دارىندى جاستاردىڭ قولىندا ەكەندىگىن ءسوز ەتىپ، جاس زياتكەرگە ساتتىلىك تىلەدى.

- بۇگىندە قالامىزدىڭ ءبىلىم سالاسى مەن ءبىلىم بەرۋ ءۇردىسى جوعارعى دەڭگەيگە كوتەرىلىپ، ءبىرشاما جەتىستىكتەرگە يە بولىپ كەلەدى. ءدال وسى ءبىلىم بەرۋ سالاسىنىڭ ءوسىپ وركەندەۋىنە سەبەپشى ءبىزدىڭ قالامىزدىڭ ءبىلىم وردالارى، ياعني، بارلىعى مەكتەپتەردىڭ جانە بىلىكتى ۇستازداردىڭ ارقاسىندا دەپ بىلەمىن. ءبىلىم سالاسىنا ءوزىنىڭ ەداۋىر ۇلەسىن قوسىپ كەلە جاتقان مەكتەپتەردىڭ ءبىرى قالامىزداعى حيميا-بيولوگيا باعىتىنداعى نازاربايەۆ زياتكەرلىك مەكتەبى. بۇعان دالەل مىنە بۇگىنگى ەركەبۇلانداي وزات، زياتكەر وقۋشىلار،- دەدى جانات تاجييەۆا، شىمكەنت قالاسى ءبىلىم باسقارماسىنىڭ باسشىسى. 

قالالىق ءبىلىم باسقارماسىنىڭ اتىنان ەركەبۇلاننىڭ اتا-اناسىنا العىس حات جانە زياتكەر وقۋشىمىزعا ارنايى گراموتا مەن سمارت ساعاتى جانە كىتاپ سىيعا تارتۋ ەتىلدى. ءار شاكىرتتىڭ ارتىندا قاشان دا بىلىكتى دە ءبىلىمدى ۇستاز تۇرادى، دەمەكشى ەركەبۇلاننىڭ جەتەكشىسى حبب NISء-تىڭ گەوگرافيا ءپانى ءمۇعالىمى اقبوپە جامانقۇل قىزى دا قۇرمەت گراموتاسىمەن ماراپاتتالدى.

سونىمەن قاتار، شىمكەنت قالاسى حيميا-بيولوگيا باعىتىنداعى نازاربايەۆ زياتكەرلىك مەكتەبىنىڭ ديرەكتورى كايىربەك سابيت ۇلى بۋكسۋكبايەۆ مىرزانىڭ اتىنان ەركەبۇلاننىڭ اتا-اناسىنا ارنايى العىس حات پەن گۇل شوقتارى تابىس ەتىلدى.