ماسكەۋ وبلىسىندا رەسەيلىك يل-112ۆ اسكەري-كولىك ۇشاعى اپاتقا ۇشىراپ، 3 ەكيپاج مۇشەسى قازا تاپتى، دەپ جازادى dw.com باسىلىمى.
ەكيپاجدى رەسەيگە ەڭبەگى سىڭگەن سىناقتى-ۇشقىش نيكولاي كۋيموۆ باسقارعان.
ۇشاقتىڭ اپاتقا ۇشىراعان ءساتى كەزدەيسوق ۆيدەوعا ءتۇسىپ قالعان. ۆيدەودان ۇشاقتىڭ وڭ جاق قوزعالتقىشى ورتەنىپ، بورتتىڭ ەڭكەيىك بارىپ ورمانعا قۇلاعانىن كورۋگە بولادى.
تاسس اگەنتتىگى ۇشاق تولىقتاي ورتەنىپ كەتكەنىن حابارلادى.
"بازا" telegram-كانالى ۇشاقتىڭ وڭ جاق قوزعالتقىشىندا بۇعان دەيىن دە اقاۋ بايقالعانى تۋرالى جازدى. 2019 جىلى جەردەگى سىناق كەزىندە قوزعالتقىش ىستەن شىقسا، كەلەسىدە تەستتىك ۇشۋ كەزىندە قوزعالتقىشتاردىڭ ءبىرى اۆتوماتتى باسقارۋ جۇيەسىنەن گيدرومەحانيكالىق باسقارۋ جۇيەسىنە اۋىسىپ كەتكەن. كونسترۋكتور مۇنى ۇساق اقاۋعا جاتقىزىپ، كەرىسىنشە "رەزەرۆتىك جۇيەنىڭ ازىرلىگىن كورسەتتى" دەپ اتاپ وتكەن.
پىكىر قالدىرۋ