شىمكەنتتە جىل باسىنان بەرى وندىرىستىك 17 جازاتايىم وقيعا ورىن الىپ، سالدارىنان 3 ادام جان تاپسىرعان. وسىنداي ولقىلىقتاردىڭ الدىن الۋ ماقساتىندا قالالىق ەڭبەك ينسپەكسياسىنىڭ وكىلدەرى كاسىپورىنداردى ارالاپ، تۇسىندىرمە جۇمىستارىن جۇرگىزۋدە. كەزەكتى جيىن شاھارداعى «سپەساۆتوترانسپورت» جشس-دە ءوتتى. سونداي-اق، وندا مەكەمە قىزمەتكەرلەرىن ۆاكسيناسيالاۋ جايى دا ءسوز بولدى.

– شىمكەنت قالاسى مەملەكەتتىك ەڭبەك ينسپەكسياسى باسقارماسىنىڭ باسشىسى باۋىرجان قالجانوۆ «سپەساۆتوترانسپورت» ج ش س قىزمەتكەرلەرىمەن كەزدەستى. مەكەمە جۇمىسشىلارىنا ەڭبەك كودەكسىنە ەنگىزىلگەن وزگەرىستەر مەن تولىقتىرۋلار، ەڭبەكتى قورعاۋ جانە قاۋىپسىزدىك تۋرالى ءتۇسىندىرىلدى. قازىرگى تاڭدا كاسىپورىندار اراسىندا ەڭ كوپ كەزدەسەتىن كەمشىلىكتەردى اتاپ ءوتتى، - دەدى باۋىرجان قالجانوۆ، شىمكەنت قالاسى مەملەكەتتىك ەڭبەك ينسپەكسياسى باسقارماسىنىڭ باسشىسى

باسقارما باسشىسى بۇگىنگى وزەكتى ماسەلەلەردىڭ ءبىرى – ۆاكسيناعا دا توقتالدى. ونىڭ ايتۋىنشا، ۆاكسيناعا ەشكىمنىڭ ماجبۇرلەۋگە قاقىسى جوق. ەكپە الۋدان باس تارتقان قىزمەتكەر سانيتار مامانداردىڭ قاۋلىسىنا سايكەس، اپتا سايىن پسر تەستىلەۋدەن ءوتىپ، ءوزىنىڭ ۆيرۋس جۇقتىرماعاندىعىن دالەلدەپ وتىرسا بولعانى.
جيىن بارىسىندا مەكەمە قىزمەتكەرلەرى كوكيلەرىندەگى ساۋالدارىن جولداپ، مامانداردان جاۋاپ الدى. ايتىپ وتەيىك، كەمشىلىكتەر كەزدەسىپ، ەسەپكە الىنعان 54 ءوندىرىس ورنىنىڭ بۇگىندە 20-سىندا ءدال وسىنداي كەزدەسۋلەر وتكىزىلىپى، تۇسىندىرمە جۇمىستارى جۇرگىزىلگەن.