قالا تۇرعىندارىنىڭ تابيعاتتى ايالاپ، تازالىققا دەگەن جاۋاپكەرشىلىگىن ارتتىرۋ ماقساتىندا ءال-فارابي اۋدانى اۋماعىندا قاناتتى سوزدەر جازىلعان ارنايى تاقتايشالار ورناتىلدى. شىمكەنت قالاسى ءال-فارابي اۋدانىنىڭ اكىمى راشيد مىڭبايەۆ، اۋدان اكىمدىگى ماماندارى جانە قالا ەرىكتىلەرى بىرلەسە تابيعاتتى قورعاۋعا شاقىراتىن تاقتايشالاردى ساياباقتار مەن گۇلزارلارعا، كوپقاباتتى ءۇي اۋلالارىنا ورناتتى.
باستى ماقسات - تابيعات قۇندىلىقتارىن ساقتاپ، تۇرعىندارعا قورشاعان ورتاعا جاناشىرلىق تانىتۋ كەرەكتىگى تۋرالى جاقسى كوزقاراس قالىپتاستىرۋ. ادامدار سوندا عانا تۋعان ءوڭىر تابيعاتىن قورعاۋدا بەلسەندىلىك كورسەتەدى. تازالىقتى ءار ازامات وزىنەن باستاسا سۇبەلى ناتيجەگە قول جەتكىزەمىز.
اتالعان لوزۋنگتار شىمكەنتتىكتەردىڭ ءومىر ءسۇرۋ ساپاسى مەن دەنساۋلىعىن جاقسارتۋعا سەپتىگىن تيگىزەدى. قالانىڭ بەت-بەينەسى - تازالىقتا. قورشاعان ورتانى تازا ۇستاۋ، ءوز تۋعان جەرىنىڭ تازالىعىنا ۇلەس قوسۋ ءاربىر تۇرعىننىڭ مىندەتى.
پىكىر قالدىرۋ