اۋعانستانداعى جاعدايدان كەيىن ەلدە اسكەري نىساندارداعى قاۋپسىزدىك كۇشەيدى. بۇل تۋرالى قورعانىس مينيسترىلىگى حابارلادى.
"اۋعانستان يسلام رەسپۋبليكاسىنداعى احۋالدىڭ شيەلەنىسۋىنە بايلانىستى قارۋلى كۇشتەردە قىراعىلىقتى كۇشەيتۋ بويىنشا ءبىرقاتار شارا ۇيىمداستىردى. ەڭ الدىمەن ارنايى وپەراسيالار مايدان جانە اسكەري-كولىك اۆياسيامەن اۋە شابۋىلىنا قارسى قورعانىسقا قاتىستى بولىپ وتىر. قويمالاردى كۇشەيتۋگە قوسىمشا جاساق ءبولىندى" دەلىنگەن اقپاراتتىق حابارلامادا.
قورعانىس مينيسترلىگىندە وتكەن اپپاراتتىق كەڭەستە زاپاستاعى اسىرەسە تاپشى ماماندىعى بار وفيسەرلەردى اسكەري قىزمەتكە شاقىرۋ ماسەلەسى كوتەرىلدى. زاڭنامادا وفيسەر اتاعىن العان اسكەري كافەدرانى بىتىرۋشىلەردى مىندەتتى تۇردە اسكەري قىزمەت وتكەرۋ ءۇشىن اسكەرگە شاقىرۋ بويىنشا تۇزەتۋلەر ەنگىزۋ تاپسىرىلدى.
"بارلىق ستۋدەنتتەر مەن جوعارى وقۋ ورىندارىنىڭ باسشىلارى اسكەري كافەدرادا وقۋ – بۇل ويىن-ساۋىق جانە زاپاستاعى وفيسەردىڭ اسكەري بيلەتتى الۋ ءتاسىلى ەمەس، ەڭ الدىمەن – ەل مۇددەسى ءۇشىن قارۋلى كۇشتەردە قىزمەت ەتۋگە دايىن ەكەندەرىن ءتۇسىنۋى ءتيىس!" دەپ حابارلادى مينيسترلىك تاراپىنان.
پىكىر قالدىرۋ