Qamshy.kz سايتى 2021 جىلعى 19 تامىزدا جاريالانعان «توپاس» دەپ بالاعاتتايتىن بىلىكسىز باسشى كەرەك ەمەس». مەركىلىك 17 پەداگوگتىڭ جانايقايى» اتتى ماقالاداعى جامبىل وبلىسى مەركى اۋدانى اڭداس باتىر وكرۋگى گرانيتوگور كەنتىندە ورنالاسقان "كوپ بالالى جانە از قامتاماسىز ەتىلگەن وتباسىلاردىڭ بالالارىنا ارنالعان مەكتەپ-ينتەرنات ديرەكتورى دانارا ەلەمەسوۆاعا وقۋ ورداسى مۇعالىمدەرىنىڭ تاراپىنان تاعىلعان ايىپ دالەلدەنبەگەنىن حابارلايدى.

ماقالادا اتى-جوندەرىن اتاماۋدى وتىنگەن مۇعالىمدەر باسشىلارى دانارا ەلەمەسوۆانى «جەمقورلىقپەن اينالىسىپ وتىر»، «مەكتەپ-ينتەرناتتى بيزنەس كوزىنە، جەكەمەنشىك ساۋدامەن اينالىساتىن ورىنعا اينالدىرىپ جىبەردى»، «مەكەمەنىڭ جوندەۋ جۇمىستارىن ساپاسىز جۇرگىزدى»، «مۇعالىمدەردى بالاعاتتايدى» دەپ ايىپتاعان.

ال «كوپ بالالى جانە از قامتاماسىز ەتىلگەن وتباسىلاردىڭ بالالارىنا ارنالعان مەكتەپ-ينتەرنات ديرەكتورى دانارا ەلەمەسوۆا قول استىنداعى پەداگوگتەردىڭ ايتقاندارىن تولىقتاي جوققا شىعارىپ، ولاردىڭ تاققان ايىبى دالەلسىز ەكەنىن جەتكىزگەن. قىزمەتكەرلەرىنىڭ ايىپتاۋ سەبەبىن بىلمەيتىنىن ايتقان.

2021 جىلعى 4 قاراشادا Qamshy.kz پورتالىنىڭ رەداكسياسىنا دانارا ەلەمەسوۆانىڭ اتىنان سۇرانىس حات (شىعىس نومەرى №00-126 ) كەلىپ ءتۇستى. ول جەردە جوعارىدا ءسوز بولعان ماقالادا وزىنە تاعىلعان ايىپتار بويىنشا قۇزىرلى ورگاندار تەرگەۋ جۇرگىزىپ، زاڭ بۇزۋشىلىقتارعا جول بەرىلگەنى دالەلدەنبەگەنى، سوندىقتان ماقالاداعى ايىپتاۋلاردى تەرىسكە شىعارۋدى سۇرايتىنى جازىلعان.

سونداي-اق دانارا ەلەمەسوۆانىڭ رەسمي وكىلى، ادۆوكات ايدا كاسىمبەكوۆا Qamshy.kz پورتالىنىڭ رەداكسياسىنا مۇعالىمدەردىڭ ايىپتارى نەگىزىندە مەركى اۋداندىق پروكۋراتۋراسى زەردەلەۋ جۇمىستارىن جۇرگىزىپ، «پاراقورلىق، زورلىق زومبىلىق» تۋرالى ءۋاج دالەلدەنبەگەنى جازىلعان جامبىل وبلىسى ءبىلىم باسقارماسىنىڭ حاتىن جولدادى.

Qamshy.kz سايتى «كوپ بالالى جانە از قامتاماسىز ەتىلگەن وتباسىلاردىڭ بالالارىنا ارنالعان مەكتەپ-ينتەرنات» ديرەكتورى دانارا ەلەمەسوۆادان اتالعان ماقالانىڭ جاريالانۋىنا بايلانىستى كەشىرىم سۇراي وتىرىپ، ءسوز بوستاندىعى، پىكىر الۋاندىعى قاعيدالارى جانە ق ر ب ا ق تۋرالى زاڭ نورمالارى نەگىزىندە اتالعان ماقالاداعى دالەلدەنبەگەن مالىمەتتەردى تەرىسكە شىعارادى. جانە دە Qamshy.kz سايتى ۇستانىمى ءسوز بوستاندىعى مەن بارلىق تاراپتىڭ دا پوزيسياسىن جاريا ەتۋ، بەيتاراپ اقپارات تاراتۋ ەكەندىگىن مالىمدەيدى.