تاليبان ناتو كۇشتەرىندە نەمەسە اۋعانستاننىڭ بۇرىنعى ۇكىمەتىندە جۇمىس ىستەگەن ادامداردى ىزدەستىرۋدى كۇشەيتتى، دەپ حابارلاندى بۇۇ تاراتقان اقپاراتتا.
قۇجاتتا تالىپتەر ءۇي-ۇيدى ارالاپ، "قارا تىزىمدەگى ادامداردى" تاۋىپ، ولاردىڭ وتباسى مۇشەلەرىنە ۇرەي تۋعىزاتىنى ايتىلعان.
تاليبان بيلىكتى قولىنا العاننان بەرى "كەك المايتىنىن" ايتىپ، اۋعاندىقتاردى سەندىرۋگە تىرىسقان.
بۇل اقپاراتتار نورۆەگيالىق "RHIPTO" جاھاندىق تالداۋ ورتالىعىنىڭ قۇپيا قۇجاتىندا ايتىلعان. "RHIPTO" ورتالىعى بۇۇ-عا بارلاۋ مالىمەتتەرىن بەرەتىن ۇيىم.
"قازىرگى ۋاقىتتا تاليبان كوپتەگەن ادامدى ىزدەستىرىپ جاتىر، ولارعا انىق قاتەر ءتونىپ تۇر" دەيدى جاھاندىق تالداۋ ورتالىعىنىڭ باسشىسى كريستيان نەللەمانن.
ول تاليباننىڭ قارا تىزىمىندەگى كەز كەلگەن ادامعا ۇلكەن ءقاۋىپ ءتونىپ تۇرعانىن، جاپپاي ءولىم جازاسى بولۋى مۇمكىن ەكەنىن ەسكەرتتى.
پىكىر قالدىرۋ