تاليبان اسكەرى اقش سوڭعى 20 جىل ىشىندە اۋعانستان قارۋلى كۇشتەرىنە بەرگەن قارۋ-جاراق، تەحنيكالار مەن وق-دارىلەردى تاركىلەدى. بۇل تۋرالى Reuters اگەنتتىگى حابارلادى.
اقش باق-تارىنىڭ اقپاراتى بويىنشا، تاليبان ۇستاعان تەحنيكانىڭ ىشىندە Black Hawk تىكۇشاقتارى مەن ا-29 Super Tucano شابۋىل ۇشاقتارى بار. الەۋمەتتىك جەلىلەردە م4 جانە م16 ۆينتوۆكالارى، سونداي-اق امەريكادا جاسالعان Humvees ماشينالارى بەينەلەنگەن سۋرەتتەر كەزدەسەدى.
ماماندار بۇل ۇشاقتاردى تاجىريبەسىز پايدالانالا المايتىنىن ايتقانىمەن ءقاۋىپ ءتوندىرۋى مۇمكىن ەكەنىن دە جوققا شىعارمايدى.
شامامەن ءبىر اي بۇرىن اۋعانستان قورعانىس مينيسترلىگى الەۋمەتتىك جەلىلەردە اقش كابۋلعا جەتكىزگەن 7 جاڭا تىكۇشاقتىڭ سۋرەتتەرىن جاريالاعان. ءبىراق تاليبان بىرنەشە اپتا ىشىندە ەلدىڭ كوپ بولىگىن جاۋلاپ، اۋعان اسكەرى قالدىرعان بارلىق قارۋ-جاراق پەن تەحنيكانى باسىپ العان.
"جويىلماعان تەحنيكانىڭ ءبارى ءقازىر تاليبانعا تيەسىلى" دەدى امەريكالىقتار Reuters اگەنتتىگىنە بەرگەن اقپاراتىندا.
پىكىر قالدىرۋ