قازاقستاندا كوروناۆيرۋس پەن پنيەۆمونيادان تاعى 129 ادام قايتىس بولدى. بۇل تۋرالى دەنساۋلىق ساقتاۋ مينيسترلىگى جاريالاعان مالىمەتتە كورسەتىلگەن.
19 تامىزدا كوروناۆيرۋس بەلگىلەرى بار پنيەۆمونيانىڭ 354 جاعدايى جانە 26 ءولىم جاعدايى تىركەلگەن. كوروناۆيرۋس پتر-سىناماسىمەن راستالعان 103 ءولىم جاعدايى تىركەلگەن.
21 تامىزداعى مالىمەت بويىنشا 122 875 ادام كوروناۆيرۋس ينفەكسياسىنان (117 171 كۆي+ جانە 5 704 كۆي-) ەمدەلىپ جاتىر، ولاردىڭ ىشىندە:
- 30 128 پاسيەنت ستاسيوناردا،
- 94 147 ناۋقاس امبۋلاتوريالىق دەڭگەيدە ەم قابىلداپ جاتىر.
كۆي+، كۆي- شالدىققانداردىڭ اراسىندا:
- 1 920 ادامنىڭ جاعدايى اۋىر،
- 549 پاسيەنتتىڭ جاعدايى وتە اۋىر،
- 224 ناۋقاس جاساندى تىنىس الۋ اپپاراتىندا جاتىر.
پىكىر قالدىرۋ