ەلىمىز بويىنشا «ەلباسى مەدالىنىڭ» 821 يەگەرى ءبىلىم بەرۋ گرانتتارىن الۋ كونكۋرسىنا قاتىستى، ونىڭ ىشىندە 605 تالاپكەر جوعارى ۇپاي جيناعانىنىڭ جانە «ەلباسى مەدالى» جوباسىنىڭ ارقاسىندا تەگىن ءبىلىم الۋ مۇمكىندىگىنە يە بولدى.

ەستەرىڭىزگە سالا كەتەيىك، «ەلباسى مەدالىنىڭ» يەگەرلەرى قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن ۇپايلارى تەڭ بولعان جاعدايدا ءبىلىم بەرۋ گرانتتارىن الۋعا باسىمدىق بەرىلدى.

گرانتتاردىڭ ەڭ كوپ بولىگىن نۇر-سۇلتان، الماتى قالالارىنان جانە شىمكەنتتەن كەلگەن بولاشاق ستۋدەنتتەر الدى. «ەلباسى مەدالىنىڭ» يەگەرلەرى جانە ءبىلىم گرانتىن ۇتىپ العانداردىڭ كورسەتكىشى بويىنشا شىمكەنت ءوڭىرى 3-ورىندى يەلەندى. ال جۇلدەگەرلەر اراسىندا ەڭ تانىمال وقۋ ورىندارى - ءال-فارابي اتىنداعى قازاق ۇلتتىق ۋنيۆەرسيتەتى، ل. ن.گۋميليەۆ اتىنداعى ەۋرازيا ۇلتتىق ۋنيۆەرسيتەتى جانە سۇلەيمەن دەميرەل اتىنداعى ۋنيۆەرسيتەت جانە Astana IT University.

«ەلباسى مەدالى» جوباسىنا بارلىعى 21 مىڭنان استام بالا قاتىستى. ونىڭ ىشىندە 6 078 جاستار باعدارلامانى اياقتاپ، قولا جانە كۇمىس مەدالدارعا يە بولدى. ەستەرىڭىزگە سالا كەتەيىك، بۇل جاستاردى كەشەندى دامىتۋعا باعىتتالعان ۇلتتىق دەڭگەيدەگى جوبا. باعدارلاما 7 نەگىزگى باعىتتان تۇرادى: سپورت، دارىن مەن داعدى، كىتاپ وقۋ، ۇلتتىق مۇرا، ۆولونتەرلىك، ساياحات مەن جورىقتار، ەڭبەك پراكتيكاسى. باعدارلاما 14 پەن 29 جاس ارالىعىنداعى جاستارعا ارنالعان