بىرىككەن ۇلتتار ۇيىمى 2021 جىلدى - حالىقارالىق كرەاتيۆتى ەكونوميكا جىلى دەپ جاريالادى. كرەاتيۆتى ەكونوميكا دەگەنىمىز - ادام قيالىنان شىعارىلعان ءونىمدى ساتۋ، ودان پايدا تابۋ دەگەن ءسوز. ياعني تۆورچەستۆولىق ونىمنەن پايدا تابۋ. ال، تۋريزم بارلىق شىعارماشىلىق سالامەن تىعىز بايلانىستى. اتاپ ايتقاندا: ساۋلەت، ونەر، قولونەر، ديزاين، ءسان، كينو، IT سالالارى.
ءدال وسى شىعارماشىلىق سالادا تابىستى جۇمىس ىستەپ كەلە جاتقان - «التىن وردا» كوركەمسۋرەت گالەرەياسى. بۇل ورتالىق - شىمكەنتكە كەلۋشى وتاندىق جانە شەتەلدىك تۋريستەر تاراپىنان ەرەكشە قىزىعۋشىلىققا يە. قازاق حالقىنىڭ قولونەرى سوناۋ ىقىلىم زاماننان بەرى، كۇندەلىكتى جاڭعىرىپ، تۇرلەنىپ جاتقان وتە باي قازىنا. سول قۇندىلىقتىڭ تامىرىن كەڭ جايىپ، ماڭىزىن جوعالتپاي دارىپتەپ كەلە جاتقان جانۇيانىڭ ءبىرى - بەيىسبەكوۆتەر اۋلەتى.

مەن قولدانبالى ونەردىڭ بىرنەشە ءتۇرىن مەڭدىم. بۇل سالادا 30 جىلدان اسا ەڭبەك ەتۋدەمىن. بۇگىندە سۇيگەن ءىسىمدى كاسىبىمە اينالدىرىپ، جەكە وتاندىق برەند قالىپتاستىرىپ وتىرمىن. جۇبايىم مەن بالالارىم دا ءدال وسى سالا يەلەرى. كيىزدەن ءتۇرلى جاساۋ جاساپ، تۇسكيىز توقىپ سونىمەن قاتار ەر-تۇرمان سوعامىز.

قيالى ۇشقىر شەبەر وتباسىنىڭ تۋىندىلارى قازاقى سالت- ءداستۇردى ۇشتاستىرا وتىرىپ جاڭعىرتۋىمەن ەرەكشەلەنەدى. شەبەرلەر وتباسىنىڭ ۇلتتىق بۇيىمدار مەن كوزدىڭ جاۋىن الار كادەسىيلارى ۇنەمى سۇرانىسقا يە.
عاسىرلار بويى اتادان بالاعا مۇرا بوپ قالعان قولدانبالى ونەردى ناسيحاتتاۋشى جاندار جۋرناليستەر قاۋىمىنا كونە بۇيىمداردىڭ جاسالۋ ءتاسىلىن ۇيرەتىپ، شەبەرلىك ساعاتىن وتكىزدى