مەكتەپ وقۋشىلارى اراسىندا وتكەن رەسپۋبليكالىق ۇلتتىق مەكتەپ ليگاسىنىڭ جالپى قورىتىندىسى بويىنشا شىمكەنت قالاسى جۇلدەلى 2-ورىندى جەڭىپ الدى. سپورتتىڭ 10 تۇرىنەن وتكەن سايىستان وقۋشىلار 10 التىن، 2 كۇمىس، 2 قولا مەدال يەمدەندى. 4 كەزەڭنەن تۇرعان جارىستىڭ اقتىق مارەسىنە 360 شىمكەنتتىك وقۋشى قاتىسقان.

جارىستىڭ ماقساتى - مەكتەپ وقۋشىلارىنىڭ بوس ۋاقىتىن ءتيىمدى پايدالانۋ، سپورتپەن شۇعىلدانۋشىلاردى قالىپتاستىرۋ، سالاۋاتتى ءومىر سالتىن ناسيحاتتاۋ،بۇحارالىق سپورتتى دامىتۋ، سپورت تۇرلەرى بويىنشا ۇزدىك مەكتەپ كوماندالارىن انىقتاۋ.

ەسكە سالا وتسەك، شىمكەنت قالاسىندا مەكتەپ وقۋشىلارى اراسىندا سپورتتىڭ 10 تۇرىنەن (باسكەتبول، ۆولەيبول، گاندبول، فۋتزال، فۋتبول، توعىزقۇمالاق، اسىق اتۋ، بەس اسىق، ۇستەل تەننيسى، پرەزيدەنتتىك سىناما) جاس ەرەكشەلىكتەرى بويىنشا «ۇلتتىق مەكتەپ ليگاسىنىڭ» قالالىق كەزەڭى ءاقپان-ساۋىر ايلارىندا وتكىزىلگەن بولاتىن.