مەملەكەت باسشىسىنىڭ بالالار مەن جاسوسپىرىمدەرگە ارنالعان شىعارماشىلىق جانە سپورت تاپسىرىسىنىڭ جان باسىنا قارجىلاندىرۋ بويىنشا بەرگەن تاپسىرماسىنىڭ نەگىزىندە شىمكەنت قالاسىندا ءبىرقاتار جۇمىستار اتقارىلۋدا.

وسى باعىتتاعى جۇمىستاردىڭ بارىسىمەن تانىسۋ ماقساتىندا بۇگىن قالا اكىمى مۇرات ايتەنوۆ شىعارماشىلىق تاپسىرىستى جان باسىنا قارجىلاندىرۋ جوباسىنا قاتىسىپ وتىرعان جك «ماكاشيەۆ» ۇيىرمەسىنە باردى.

اتالعان شىعارماشىلىق ۇيىرمە قاراتاۋ اۋدانىنا قاراستى «نۇرتاس» شاعىن اۋدانىندا ورنالاسقان. بۇل ۇيىرمەگە بۇگىندە ۇلتتىق بي مەن حالىق ءبيى بويىنشا جالپى 100 ءوتىنىم كەلىپ تۇسكەن.

قالا اكىمى بۇل جاڭاشىلدىق بالالارعا كەز كەلگەن ۇيىرمەگە بارۋىنا قولجەتىمدى ەتەتىنىن اتاپ ءوتتى. ەڭ باستىسى اتا-انالارعا قارجىلىق جاعىنان اۋىرتپالىق تۇسپەيدى. ەندى بۇل تولەماقى مەملەكەت قازىناسىنان بولىنەتىنىن جەتكىزدى.

ايتا كەتۋ كەرەك، شىمكەنتتە جان باسىنا قارجىلاندىرۋ جوباسى اياسىندا 400 بالا اكتەرلىك شەبەرلىگىن ۇيرەنەدى

مەملەكەت باسشىسى ءوز جولداۋىندا بالالاردىڭ سپورتتىق جانە شىعارماشىلىق الەۋەتىن دامىتۋعا ەرەكشە نازار اۋداردى. وسى رەتتە بيىل ەلىمىزدە 1 مامىردان باستاپ شىعارماشىلىق تاپسىرىس بويىنشا جاڭا ستراتەگيالىق شارالار قابىلداندى. ياعني، وسىعان دەيىن اقىلى ۇيىرمەلەر مەن سەكسيالارعا بارعان بالالار ەندى تەگىن قاتىسا الادى.

جاڭا جۇيەمەن جۇمىس جاسايتىن ورتالىقتاردىڭ ءبىرى - جك «پاتتەيەۆ». وسىندا 400 بالا شىعارماشىلىق تاپسىرىس اياسىندا تەگىن ۇيىرمەگە قاتىسۋعا مۇمكىندىك الدى. ونىڭ ىشىندە 200 بالا دەرەكتى جانە ويىن كوركەم كينوسىنا، ال 200 بالا اكتەرلىق ونەر بويىنشا ۇيىرمەگە قاتىسادى. ۇيىرمە «شىعىس» شاعىن اۋدانى 28 ۇيدە ورنالاسقان.

بۇل جوباعا قاتىسۋ ءۇشىن بيزنەس وكىلدەرى Artsport.edu.kz سايتىندا ءوتىنىم قالدىرادى. ال، اتا-انالار جۇيەگە كىرىپ، كەرەكتى ورتالىققا بالالارىن جازا الادى.