العاشقى قوڭىراۋ سوعىلىپ، وقۋ جىلىنىڭ باستالۋىنا ساناۋلى كۇندەر قالدى. دەسە دە قالىڭ بۇقارانىڭ اراسىندا بالالارىنا مەكتەپكە قاجەتتى دۇنيەلەرىن الىپ بەرە الماي وتىرعاندار جەتەرلىك. قازاقستان مۇسىلماندار ءدىني باسقارماسىنىڭ شىمكەنت قالاسى بويىنشا وكىلدىگى وسىنداي وتباسىلارعا قول ۇشىن سوزىپ، مەكتەپكە جول اتتى قايىرىمدىلىق شاراسىن وتكىزدى.

يگى شارا بارىسىندا جاعدايى تومەن، كوپبالالى وتباسىنداعى مەكتەپ وقۋشىلارىنا سومكەسى مەن قاجەتتى وقۋ قۇرالدارى تابىس ەتىلدى. قايىرىمدىلىق اكسياسى قالامىزدىڭ 4 اۋدانى بويىنشا قارقىندى جۇرگىزىلۋدە. قالا بويىنشا 400 وتباسىعا كومەك قولى سوزىلدى. بۇل باستاما قىركۇيەك ايىنا دەيىن جالعاسىن تابادى، -دەدى سالاعا جاۋاپتىلار.

قايىرىمدىلىق اكسياسىن مەشىتتەر مەن قالا اكىمدىگى بىرلەسىپ وتكىزەدى. قايىرىمدىلىقتىڭ ماڭىزى بارلىعى ءۇشىن ۇلكەن. بۇگىنگى قايىرىمدىلىق اكسياسى ايدىڭ سوڭىنا دەيىن توقتامايدى. كومەك قالانىڭ 4 اۋدانىنان شىققان مۇقتاج وتباسىلارعا كورسەتىلەدى. ءىس-شارانى وتكىزۋگە كومەكتەسكەنى ءۇشىن قالا اكىمدىگىنە، مەشىتتەر يمامىنا جانە بارلىق قامقور ادامدارعا العىس بىلدىرگىمىز كەلەدى.

جالپى قايىرىمدىلىق اكسياسى اياسىندا ءتىزىم بويىنشا 1000 مۇقتاج مەكتەپ وقۋشىسى قامتىلىپ وتىر. ەلىمىزدەگى ەپيداحۋالدىڭ تۇراقسىزدىعىنا بايلانىستى وقۋشىلاردىڭ مەكتەپ فورماسى مەن قاجەتتى قۇرالدارى ءار وتباسىعا جەكە ۇيلەرىنە جەتكىزىلىپ بەرىلمەك. بۇل جۇمىستاردى قالالىق «زەكەت جانە قايىرىمدىلىق» قورى مەن «جاستار ءىسى» سەكتورىنىڭ ەرىكتىلەرى اتقارادى.