بۇگىن اقپاراتتىق-كوممۋنيكاسيالىق ورتالىعىندا وتكەن باسپا ءسوز ماجىلىسىندە شىمكەنت قالالىق ساۋلەت، قالا قۇرىلىسى جانە جەر قاتىناستارى باسقارماسىنىڭ باسشىسى نۇرلان ارحابايەۆ باسقارما تاراپىنان جىل باسىنان بەرى اتقارىلعان جۇمىستار تۋرالى ايتتى.

ونىڭ مالىمەتىنشە، «سيفرلىق قازاقستان» مەملەكەتتىك باعدارلاماسىن جۇزەگە اسىرۋ اياسىندا، شىمكەنت قالاسىنىڭ اكىمدىگى تاراپىنان گەواقپاراتتىق پورتالدى قۇرىپ ىسكە اسىرۋ جۇمىستارى اعىمداعى جىلدىڭ سوڭىنا دەيىن جۇزەگە اسادى.

باسقارما باسشىسىنىڭ سوزىنشە، قالانىڭ دامۋى باس جوسپارعا سايكەس، سولتۇستىك باعىتتا جۇرگىزىلۋدە. اتاپ ايتقاندا، اكىمشىلىك ىسكەرلىك ورتالىعى اۋماعى 282 گەكتار، اكىمشىلىك، كوپسالالى مادەني، وقۋ-اعارتۋ جانە باسقا دا حالىققا قىزمەت كورسەتۋ عيماراتتارى، كوپقاباتتى تۇرعىن قۇرىلىس نىساندارى سالىنىپ، يگەرىلۋى تولىق اياقتالۋدا. ال «سيفرلىق قازاقستان» مەملەكەتتىك باعدارلاماسىن جۇزەگە اسىرۋ اياسىندا قالا اكىمدىگى تاراپىنان گەواقپاراتتىق پورتالدى قۇرىپ ىسكە اسىرۋ جۇمىستارى وسى جىلدىڭ اياعىنا دەيىن جوسپارلاندى، – دەدى باسقارما باسشىسى.

الداعى ۋاقىتتا، گەوپورتال ءوتىنىش بەرۋشىگە ۇيدەن نەمەسە كەڭسەدەن شىقپاي-اق قىزمەت الۋعا، سونداي-اق مەملەكەتتىك ورگاندار مەن قالانىڭ كوممۋنالدىق ۇيىمدارى اراسىندا قۇجاتتاردى كەلىسۋ پروسەستەرىن تولىق اۆتوماتتاندىرۋعا مۇمكىندىك بەرەدى. جۇيە قىزمەت كورسەتۋدىڭ بارلىق تىزبەگىن ەلەكتروندىق نىسانعا كوشىرۋگە، ولاردى كورسەتۋدىڭ ناقتى مەرزىمىن 3-6 كۇنگە دەيىن قىسقارتۋعا، قىزمەت بەرۋشى مەن قىزمەت الۋشىنىڭ تىكەلەي بايلانىسىن بولدىرماۋعا، حالىققا قىزمەت كورسەتۋدىڭ قولجەتىمدىلىگى مەن اشىقتىعىن قامتاماسىز ەتۋگە، سونداي-اق اكىمدىك قىزمەتىنىڭ تيىمدىلىگىن ارتتىرۋعا مۇمكىندىك بەردى.

ايتا كەتەيىك، باسقارما تاراپىنان 17 مەملەكەتتىك قىزمەت ءتۇرى كورسەتىلەدى. جىل باسىنان بەرى جالپى سانى 25 006 مەملەكەتتىك قىزمەت كورسەتىلگەن. سونىمەن قاتار، 5 نىساننىڭ قۇرىلىسى ءۇشىن قاراستىرىلعان جەر تەلىمى مەملەكەت مۇقتاجىنا قايتارىلعان.