شىمكەنت قالاسىندا كومىرقىشقىل گازىن قايتا وڭدەيتىن كاسىپورىن سالۋ ۇسىنىلدى. قالا اكىمىنىڭ توراعىلىعىمەن وتكەن ينۆەستيسيالىق شتاب وتىرىسىندا «رەت» ءجشس-نىڭ وكىلى كومىرقىشقىل گازىن قايتا وڭدەيتىن زاۋىت جوباسىن ۇسىندى.
جوبا قۇنى – 3،5 ملن اقش دوللارىن قۇرايدى. 2022-2023 جىلدارعا جوسپارلانعان جوبا تاۋلىگىنە 40 توننادان استام كومىرقىشقىل گازىن قايتا وڭدەۋگە قاۋقارلى.
شىمكەنت قالاسىندا قالدىقتاردى قايتا وڭدەۋ ۇلەسىن ارتتىرۋ قاجەت ەكەنىن ايتقان قالا باسشىسى اتالعان جوبانىڭ ىسكە اسىرىلۋىنا بارىنشا قولداۋ كورسەتۋدى تاپسىردى.
جاڭا ءوندىرىس شىمكەنت قالاسىنىڭ ەكولوگيالىق جاعدايىنا وڭ اسەرىن تيگىزەدى، سونىمەن بىرگە تۇرعىنداردى جاڭا جۇمىس ورىندارىمەن قامتاماسىز ەتەدى.
اتموسفەراعا كومىرقىشقىل گازىنىڭ تەحنوگەندىك ءتۇسۋىنىڭ نەگىزگى كوزى ءتۇتىن گازدارى بولىپ تابىلادى. ءتۇتىن گازدارىن زالالسىزداندىرۋدىڭ ءبىر ءادىسى - ولاردان كومىرقىشقىل گازىن الۋ. كومىرقىشقىل گازى تاماق ونەركاسىبىندە كەڭىنەن قولدانىلادى.
