باقشا داقىلدارىنىڭ كوشەتتەرىن وڭدەلگەن جانە اشىق توپىراققا وتىرعىزۋ بويىنشا اسپالى ەكى قاتارلى كوشەت وتىرعىزۋ ماشيناسىنىڭ كونسترۋكسياسىن ەنگىزۋ جانە كوبەيتۋ جوباسى ىسكە اسىرىلۋدا. وندا وتاندىق رپم-2kz ۇلگىسى قولدانىلىپ جاتىر.

جوبانىڭ ماقساتى – قالاداعى اگروونەركاسىپتىك كەشەندەردەگى فەرمەرلىك شارۋاشىلىقتاردى ىسكە اسىرۋ ءۇشىن رپم-2kz ۇلگىسىندەگى كوشەت وتىرعىزۋ ماشيناسىنىڭ ونەركاسىپتىك ۇلگىلەرىن جانە شاعىن سەريالى ءوندىرىسىن قۇرۋ ارقىلى كوكونىس-باقشا داقىلدارىنىڭ ەگىس كولەمى مەن تۇسىمدىلىگىن ارتتىرۋ.

شىمكەنت قالاسىنىڭ اۋىل شارۋاشىلىعى جانە ۆەتەريناريا باسقارماسىنىڭ مالىمەتىنە سايكەس، رپم-2 KZ شاعىن سەريالى ءوندىرىسى كوكونىس-باقشا كلاستەرىنىڭ ەگىس ەگۋ جانە وتىرعىزۋ بويىنشا اۋىل شارۋاشىلىق ماشينالارىنا سۇرانىستى ارتتىرۋعا، اۋىل شارۋاشىلىق تەحنيكالارىن يمپورتتاۋدى الماستىرۋعا مۇمكىندىك بەرەدى. سونىمەن قاتار جالدامالى جۇمىسشىلار سانى مەن ۋاقىت قىسقارىپ، شىعىن كولەمى ازاياتىن بولادى.

كوكونىس شارۋاشىلىعىندا كوشەت وتىرعىزۋ ماشيناسىن ەنگىزۋ جانە دامىتۋ ناتيجەسىندە كوكونىس-باقشا شارۋاشىلىعىندا ەڭبەك ونىمدىلىگى 2،5-3 ەسەگە ارتادى. ەگىس الاڭى ەكى ەسە ۇلعايىپ، 4-5 مىڭ گەكتارعا جەتەدى دەپ كۇتىلۋدە.