شىمكەنتتە تۇرعىن ۇيلەرگە قۇرىلىس جۇمىستارى قارىندى جۇرگىزىلۋدە. بۇل ءبىر جاعىنان قالانىڭ كوركىن اشسا، ال ەكىنشى جاعىنان پاتەر ماسەلەسى دە شەشىلمەك.

بۇگىندە مۇنداي كوپقاباتتى تۇرعىن-ۇيلەردىڭ بوي كوتەرۋى – حالىق سانى ارتقان مەگاپوليستە باسپانا ماسەلەسىنىڭ وڭتايلى شەشىلۋىنە ايرىقشا ىقپال ەتىپ وتىر. «Damdes قۇرىلىس invest» ءجشس-ى «شىمكەنت سيتي» شاعىن اۋدانىنداعى ون قاباتتى 6 تۇرعىن ءۇيدىڭ قۇرىلىس-مونتاج جۇمىستارىن جۇرگىزۋدە. جالپى اۋماعى شامامەن 30 000 شارشى مەتردى ياعني، 420 پاتەردى قۇرايدى. ءوز كەزەگىندە مەردىگەر مەكەمە باسشىسى قۇرىلىس ماتەريالدارىنىڭ كۇرت قىمباتتاۋىنا بايلانىستى، پاتەر باعاسىنىڭ وسەتىنىن اشىق اتاپ ءوتتى.

تۇرعىن ءۇي كەشەندەرىنىڭ قۇرىلىس بارىسىمەن تانىسقان ءماجىلىس دەپۋتاتى بەرىك وسپانوۆ جۇمىستىڭ ساپالى ءجۇرىپ جاتقاندىعىن العا تارتتى. سونىمەن قاتار مەملەكەت بيۋدجەتىنەن دە قارجىلاندىرۋ قاراستىرىلعاندىقتان، الەۋمەتتىك ماسەلەلەردى نازاردان تىس قالدىرماۋ قاجەتتىگىن باسا اتاپ ءوتتى. سالىنىپ جاتقان 420 پاتەردىڭ اراسىنان تۇرمىسى تومەن وتباسىلار مەن الەۋمەتتىك ءالسىز توپتاعى ازاماتتارعا دا باسپانا قاراستىرىلۋ كەرەكتىگىن ايتادى. الداعى ۋاقىتتا بۇل ماسەلەنىڭ وڭتايلى شەشىلۋ جولدارىن ناقتى قولعا الاتىنىن جەتكىزدى.

سونداي-اق، حالىققا بارىنشا قولايلى جاعداي جاسالۋ قاجەتتىگىن جەتكىزىپ، كولىك تۇراعى مەن بالالار وينايتىن الاڭشانىڭ ورنالاسۋ ايماعىن قايتا قاراستىرۋ قاجەتتىگىن ايتتى. الداعى ۋاقىتتا ءماجىلىس دەپۋتتاتارى تاراپىنان بىلدىرىلگەن ۇسىنىستار شىمكەنت قالاسىنىڭ اكىمى، «Nur Otan» پارتياسى فيليالىنىڭ ءتوراعاسى مۇرات ايتەنوۆتىڭ نازارىنا ۇسىنىلىپ، جان-جاقتى تالقىلانۋ جوسپارلانىپ وتىر.