شىمكەنتتى سارىشاياندار قاپتاي باستادى. قالا تۇرعىندارى ۇيلەرىندە جانە اۋلالارىندا وسى ءبىر شايانتارىزدەس جاندىكتى ءجيى كەزدەستىرەتىنىن ايتادى. وسى ايدىڭ وزىندە سارىشايان شاققان 39 ادام دارىگەرگە جۇگىنگەن، ونىڭ 13ء-ى بالالار. تورتەۋى ورتاشا اۋىر جاعدايدا اۋرۋحاناعا تۇسكەن. بۇل زيانكەستەرگە قارسى ۋلاندىرۋ جۇمىستارى ارزانعا سوقپايدى ەكەن.

سوڭعى كەزدە ءبىزدىڭ ءۇي جاعىمىزدا شاياندار كوبەيىپ جاتىر. كورشىلەردەن دە سۇراستىردىق. ءيا، بار دەيدى. وتكەندە سول نەمەرەلەر، بالالار ويناپ ءجۇرىپ كورىپ قالعان ەكەن. تاراقان، تاراقان دەگەن سوڭ، مەن ونى تاراقان ەمەس، ەستىگەنىم بويىنشا ەمەس، كوزىمىزدە كورگەن عوي شايان ەكەنىن. قورقامىز دالاعا شىعۋعا، بالالارىمىز دا دالادا وينايدى، سىرتتا ۇيىقتايمىز. كۇنى بويى سىرتتا جۇرەمىز عوي، بالالار باقشاعا كىرەدى بىردەڭە جۇلىپ جەۋگە. كىمنەن كومەك سۇرايمىز، بىلمەيمىز.

سارىشاياندارمەن كۇرەسۋگە دەزينفەكسيا قىزمەتى كومەكتەسەدى. اراعا 5-6 كۇن ءۇزىلىس سالا وتىرىپ، ولاردى ۋلاۋ جۇمىسىمەن اينالىسادى. مۇنداي قىزمەتتىڭ باعاسى جەكە ءۇيدىڭ اۋلاسىنىڭ شارشى مەترى ءۇشىن 150 تەڭگەدەن، ال تۇرعىن ءۇيدى وڭدەۋ باعاسى 430 تەڭگەدەن باستالادى. ماماندار سارىشايانداردى بىرنەشە ۇيدە ۋلاندىرۋ ءتيىمدى دەيدى.