شىمكەنت قالاسىندا كوكونىس ساقتايتىن قويما سالۋ جوسپارلانىپ وتىر. ونى كاسىپكەر ءوز ەسەبىنەن جۇزەگە اسىرماق. وتكەن اپتادا وتكەن ينۆەستيسيالىق شتابتىڭ وتىرىسىندا جوبانىڭ تانىستىرىلىمى ءوتىپ، وزەكتى ماسەلەلەرى تالقىلاندى.
جوبا ۇسىنۋشى «كەرەمەت-ساپا» ج ش س جەتەكشىسى قويمادا 2 مىڭ توننا كوكونىس پەن جەمىس-جيدەك ساقتاۋعا بولادى دەيدى. قويما تاۋارلاردىڭ ۇزاق ۋاقىت بالعىن كۇيدە ساقتالۋىن قامتاماسىز ەتەدى.
جوبا قۇنى – 500 ملن تەڭگە. جوبا جۇزەگە اسقان ۋاقىتتا 15 ادام تۇراقتى جۇمىسپەن قامتىلادى.
قالا اكىمىنە ينۆەستور قويمانى سالۋ ءۇشىن 1 گەكتار جەر تەلىمى قاجەتتىلىگى تۋىنداپ وتىرعانىن ايتىپ، كومەك بەرىلۋىن سۇرادى. شاھار باسشىسى اۋدان اكىمدەرى مەن ءتيىستى سالا باسشىلارىنا ينفراقۇرىلىمى دايىن اۋماقتان جەر تەلىمىن بەرۋ تۋرالى شەشىم قابىلدادى.
