شىعىس قازاقستان وبلىسىنداعى كوكپەكتى جانە اياگوز اۋداندارىندا كەشە شىققان دالا ءورتى ءالى سونبەي جاتىر.
توتەنشە جاعدايلار دەپارتامەنتى باسپا ءسوز قىزمەتىنىڭ حابارلاۋىنشا، كوكپەكتى اۋدانىنداعى "كليۋچي" ۋچاسكەسىندە قىزىل جالىننىڭ جالپى اۋدانى 45 گەكتاردى، اياگوز اۋدانىنداعى قارا بوجىر ۋچاسكەسىندە 25 گەكتاردى جانە ۇمبەتاي ۋچاسكەسىندە 10 گەكتاردى قۇراعان.
وقيعا ورنىندا بارلىعى 88 ءورت ءسوندىرۋشى، جەرگىلىكتى اتقارۋشى ورگاننىڭ 92 قىزمەتكەرى، 10 ورمانشى جانە 27 تەحنيكا جۇمىلدىرىلعان.
"دەسە دە 200 قىزمەتكەر ءورتتىڭ بەتىن قايتارا الماي جاتىر، وعان قاتتى جەل جانە ارنايى تەحنيكانىڭ قوزعالىسىنا جولسىز جەر كەدەرگى كەلتىرىپ جاتىر" دەيدى دەپارتامەنتتەگىلەر.
پىكىر قالدىرۋ