تاليبان ۇيىمى 15 تامىزدا كابۋلدى باسىپ الىپ، بىرنەشە ساعاتتا اۋعاستان استاناسىنا تولىق باقىلاۋ ورناتقان. ەل پرەزيدەنتى اشراف عاني ەلدەن كەتىپ قالعان. قازىرگى ۋاقىتتا كوپتەگەن ەلدەر ءوز ازاماتتارى مەن اۋعانستاننىڭ كەي ساناتتاعى بەيبىت تۇرعىندارىن ەلدەن شىعارىپ جاتىر. اقق پرەزيدەنتى 14 تامىزدان بەرى كابۋلدان 28 مىڭ ادام ەۆاكۋاسيالانعانىن ايتقان. ۇلىبريتانيانىڭ قورعانىس مينيسترلىگى 13 تامىزدان بەرى 6 مىڭعا جۋىق ادايمدى ەلدەن شىعارعانىن مالىمدەگەن. گەرمانيا 3600 ادامدى اۋعانستاننان الىپ كەتكەن. سونداي-اق يتاليا، فرانسيا، دانيا سەكىلدى ەلدەر دە ەۆاكۋاسيالاۋ بويىنشا ارنايى وپەراسيالاردى جۇرگىزىپ جاتىر.

18 تامىزدا تامىزدا قازاقستانعا اۋعانستاننان 42 ادام جەتكىزىلگەنىا حابارلانعان. ونىڭ ىشىندە 25 ادام قازاقستان ازاماتى.

بۇعان دەيىن اقش پرەزيدەنتى دجو بايدەن اۋعانستاننان امەريكالىقتاردى، ءقاۋىپ ءتونۋى ىقتيمال اۋعانداردى ەۆاكۋاسيالاۋ قارقىنى جىلدامداعانىن، ادامداردى ەلدەن شىعارۋ مەرزىمىن ۇزارتۋ بويىنشا تاليبان ۇيىمىمەن كەلىسسوز ءجۇرىپ جاتقانىن ايتقان. تاراپتار اراسىنداعى كەلىسىم بويىنشا ەۆاكۋاسيانىڭ سوڭعى كۇنى 31 تامىزعا سايكەس كەلەدى.

الايدا كەشە تاليبان ۇيىمىنىڭ وكىلى سۋحەيل شاحين دوحادا Sky News باسىلىمىنا سۇحباتتاسىپ، اڭگىمە بارىسىندا اقش پەن ۇلىبريتانيا اسكەرىن اۋعانستاننان بەلگىلەنگەن مەرزىمدە شىعارماسا، سالدارى اۋىر بولاتىنىن ايتتى.

ول بايدەننىڭ اسكەرىن ەلدەن 31 تامىزدا شىعاراتىنى تۋرالى ايتقانىن ەسكە الىپ، مەرزىمدى ۇزارتقىسى كەلسە، ونى باسىپ الۋدى جالعاستىرۋ دەپ باعالايتىنىن، مۇنىڭ ەش قاجەتى جوعىن جەتكىزگەن.