ۇلىبريتانيا پوليسياسى شەففيلد قالاسىنداعى بەس جاسار اۋعان بوسقىننىڭ ءولىمى تۋرالى الەۋمەتتىك جەلىدە ناسىلدىك سيپاتتاعى اۋىر پىكىرلەر جازعان ايەلدى ۇستادى.

مۇحاممەد مۋنيب ماجەدي ەسىمدى بالا سارسەنبىدە "OYO Sheffield Metropolitan" قوناق ءۇيىنىڭ توعىزىنشى قاباتىنان تەرەزەدەن قۇلاپ قايتىس بولدى.

بالا مەن ونىڭ وتباسى وتكەن اپتادا تاليباننان قاشىپ ۇلىبريتانيعا كەلگەن. اعىلشىن ىشكى ىستەر مينيسترلىگى ولاردى قوناقۇيگە ورنالاستىرعان. 

شەففيلد قالاسىنىڭ ءتارتىپ ساقشىلارى 42 جاستاعى ايەلدى زياندى قارىم-قاتىناس جاسادى جانە قوعامدىق ءتارتىپتى بۇزدى دەگەن كۇدىكپەن ۇستاعان..

وڭتۇستىك يوركشير پوليسياسىنىڭ حابارلاۋىنشا، ايەل پوليسيانىڭ باقىلاۋىندا، قازىرگى تاڭدا تەرگەۋ ءجۇرىپ جاتىر.

دەتەكتيۆ ينسپەكتوردىڭ مىندەتىن اتقارۋشى لي كوركەر ونلايندا جازىلعان پىكىرلەر اۋىر زارداپتارعا اكەلەتىنىن ەسكەرتتى.

– وشپەندىلىك سوزدەر نەمەسە جەككورۋشىلىك قىلمىستارىنا جول بەرىلمەيدى جانە ونداي قىلمىستاردى وفيسەرلەر قاتاڭ تۇردە شەشەدى، – دەپ مالىمدەدى ول.