تالىپتەر شەتەلدىك اسكەر كەتكەننەن كەيىن كابۋل اۋەجايىن باسقارۋعا قولداۋ كورسەتۋ ءۇشىن تۇركيادان كومەك سۇرادى. سونداي-اق 31 تامىزعا دەيىن تۇرىك اسكەرىن ەلدەن شىعارۋدى تالاپ ەتتى. بۇل تۋرالى Reuters اگەنتتىگى حابارلادى.
تۇرىك شەنەۋنىكتەرىنىڭ (قاۋىپسىزدىك ماقساتىندا شەنەۋنىك ءاتى-جونى اتالمايدى - Reuters) ايتۋىنشا، بۇل جاعداي ولاردى تىعىرىققا تىرەگەن. تۇركيا سوڭعى ەكى اپتا ىشىندە ەۆاكۋاسيا جۇمىستارىنا قاتىسىپ، ناتو-نىڭ اۋعانستانداعى ميسسياسىن ورىنداۋعا اتسالىسقان. تۇركيانىڭ ءالى كۇنگە دەيىن كابۋل اۋەجايىندا جۇزدەگەن اسكەرى بار.
– "تاليبان" كابۋل اۋەجايىن باسقارۋدا تەحنيكالىق قولداۋ سۇرادى. تۇرىك قارۋلى كۇشتەرىنسىز اۋەجايداعى جۇمىسشىلاردىڭ قاۋىپسىزدىگىن قامتاماسىز ەتۋ ءقاۋىپتى جۇمىس، – دەدى تۇركيانىڭ جوعارى لاۋازىمدى قىزمەتكەرى.
"تاليبان" قوزعالىسىنىڭ بارلىق تۇرىك اسكەرى ەلدەن كەتسىن دەگەن تالابى كەز كەلگەن ميسسيانى قيىنداتىپ وتىر. بۇل ماسەلە بويىنشا تاليبانمەن كەلىسسوزدەر جالعاسىپ جاتقانىن ايتقان تۇرىك شەنەۋنىگى اسكەردى شىعارۋعا دايىندىق اياقتالعانىن مالىمدەدى.
پىكىر قالدىرۋ