اۋعانستانداعى باسقارۋدى ءوز قولىنا العان تالىپتەر ەلدە مۋزىكاعا تىيىم سالدى. بۇل تۋرالى The New York Times باسىلىمى حابارلادى.

تاليبان وكىلى زابيحۋللا مۋجاحيد نيۋ-يورك تايمس تىلشىسىنە بەرگەن سۇحباتىندا بۇل مالىمدەمەنى راستادى. بەلگىلى بولعانداي تاليبان كۇشتەرى اۋعانستاننىڭ حالىق ءانشىسى فاۆاد ءاندارابيدى ۇيىنەن ۇرلاپ اكەتىپ، كۇشتەپ ولتىرگەن.

– مۋزىكاعا يسلامدا تىيىم سالىنعان. ءبىز ادامداردى سوعان تاربيەلەيمىز دەپ ۇمىتتەنەمىز. ەندى ءبارى وزگەشە، باسقاشا بولادى، – دەدى تاليبان وكىلى.

بۇرىنعى ىشكى ىستەر ءمينيسترى مەسۋد اندارابي الەۋمەتتىك جەلىدەگى پاراقشاسىندا حالىق مۋزىكاسى ءارتىسىن ولتىرگەنىن حابارلادى.

"تالىپتەردىڭ قاتىگەزدىگى جالعاسۋدا. بۇگىن ولار اۋعان حالقىنىڭ سۇيىكتى ءانشىسى فاۆاد ءاندارابيدى اياۋسىز ءولتىردى. ءبىزدىڭ اتا-بابالارىمىزدىڭ جەرى ەشقاشان تاليبان وزبىرلىعىنا باس يمەيدى" دەپ جازىلعان حابارلامادا.