شىمكەنتتەگى №1 ارناۋلى الەۋمەتتىك قىزمەتتەر كورسەتۋ ورتالىعى كومەككە مۇقتاج، جاسى ون سەگىزدەن اسقان، I - II توپتاعى پسيحونيەۆرولوگيالىق اۋرۋلارى بار مۇمكىندىگى شەكتەلى ازاماتتارعا 8 باعىت بويىنشا قىزمەت كورسەتەدى. قازىرگى تاڭدا ورتالىقتا 220-دان استام مۇمكىندىگى شەكتەۋلى جاندار بار.

بۇگىندە ورتالىق كوپفۋنكسيونالدى كەرەۋەتتەر ارنايى قۇرالدارمەن قامتىلدى. بۇل جاڭادان ساتىپ الىنعان مەديسينالىق كەرەۋەتتەر جىلجىتۋعا ىڭعايلى بولۋ ءۇشىن اياقتارى دوڭگەلەك تەجەۋمەن جابدىقتالعان.

ال كوپفۋنكسيونالدى كەرەۋەتتىڭ باستى ەرەكشەلىكتەرى – ناۋقاستىڭ ىڭعايلىلىعى مەن جايلىلىعى، تازالاۋ مەن دەزينفەكسيالاۋ جۇمىستارىنىڭ وڭتايلاندىرىلۋىندا. توسەكتى تازالاۋ، دەزينفەكسيالاۋ ءۇشىن پالاتانىڭ ىشىنە ەش قيىندىقسىز جىلجىتۋعا بولادى. سونىمەن قاتار، توسەكتە پاسيەنتتەرگە كۇتىم جاساۋعا ارنالعان اكسەسسۋارلاردىڭ ۇلكەن تاڭداۋى بار.

ايتا كەتۋ كەرەك، بارلىق تالاپتارعا ساي 110 ورىندىق جاڭا عيمارات 2017 جىلى قولدانۋعا بەرىلدى. وندا گالەرەيا، 2 پسيحولوگيالىق كومەك كورسەتۋ كابينەتى، دەفەكتولوگ كابينەتى، دارىگەرلەر، اكۋشەر-گينەكولوگيالىق كابينەت، ستوماتولوگيالىق كابينەت، جاڭا زاماناۋي تەحنيكالارمەن جابدىقتالعان 3 مەديسينالىق بەكەت، 96 ورىندىق اسحانا، 2 ترەناجەرلىق زال، ىڭعايلى پاندۋس قويىلىپ، قولايلى جاعدايلار جاسالىنعان.