«ەڭبەك» باعدارلاماسى قالا تۇرعىندارىنا ءتيىمدى بولىپ وتىر

/image/2021/08/31/crop-15_364_407x542_2.jpg

ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان «ەڭبەك» باعدارلاماسى قالا تۇرعىندارىنا ءتيىمدى بولىپ وتىر. باعدارلامانىڭ اسىرەسە، ازاماتتاردىڭ تۇرمىسىن جاقسارتىپ، ءوز كاسىپتەرىن اشۋعا، قايتارىمسىز گرانت پەن تومەن پايىزدىق مولشەرلەمەمەن بەرىلەتىن شاعىن نەسيەلەر الىپ، ىستەرىن باستاۋعا سەپتىگىن تيگىزۋىنىڭ ماڭىزى زور.

«ەڭبەك» باعدارلاماسىنىڭ ماڭىزدىلىعىن سەزىنگەن تۇرعىنداردىڭ ءبىرى - شىمكەنتتىك ۆەنەرا جامالوۆا. ول بيىلعى جىلدىڭ ساۋىرىنە دەيىن مەملەكەتتىك اتاۋلى الەۋمەتتىك كومەك الۋشىلاردىڭ قاتارىندا ەدى. مەملەكەتتىڭ ۋاقىتشا كومەگىنە قول جايماي،بۇگىندە جۇبايى تۇراقتى جۇمىسقا ورنالاسۋدى ءجون كوردى. ناتيجەسىندە، باعدارلاما اياسىندا تاپقان جۇمىس ورنىندا ايلىق كورسەتكىشى دە جوعارى بولىپ، الەۋمەتتىك جاعدايدى دا تۇراقتالدى.

- مەن 2020 جىلدىڭ ماۋسىم ايىنان بيىلعى جىلدىڭ ساۋىرىنە دەيىن ااك الىپ كەلدىم. قيىن ساتتە مەملەكەتتىڭ وسى كومەگىننىڭ ارقاسىندا وتباسىمىزدى اسىراۋعا، مۇگەدەكتىگى بار بالامنىڭ ەمىنە دە قارجىلاي كومەك بولدى. ال قازىرگى ۋاقىتتا جولداسىم تۇراقتى جۇمىسقا ورنالاسىپ، ءۇي سالۋدى دا باستادىق. وسىنداي كورسەتىلگەن كومەككە العىسىمىزدى بىلدىرەمىن.

سونىمەن قاتار، ۆەنەرا بيىل حالىقتى جۇمىسپەن قامتۋ ورتالىعى ارقىلى 21 كۇندىك «بيزنەس باستاۋ» وقۋ كۋرسىنا جولدانىپ، قولىنا سەرتيفيكاتىن دا الىپ وتىر. الداعى ۋاقىتتا قايتارىمسىز مەملەكەتتىك گرانتقا ءوتىنىم بەرىپ، ءوز كاسىبىن اشۋعا نيەتتى.

قاتىستى تەگتەر :

پىكىر قالدىرۋ

قاتىستى ماقالالار