COVID-19 سىرقاتتانۋشىلىعىنىڭ جانە ۆيرۋستىق پنيەۆمونيا اۋرۋىنىڭ تىركەلۋىنىڭ جالعاسۋىنا بايلانىستى جانە حالىق اراسىندا كوروناۆيرۋستىق ينفەكسيانىڭ تارالۋىنىڭ ودان ءارى الدىن الۋ ماقساتىندا، «Ashyq» جوباسىنا قاتىساتىن سۋبەكتىلەر قىزمەتىن «كاسىپكەرلىك وبەكتىلەرىندە «Ashyq» جوباسىنا ەنگىزۋ تۋرالى» قازاقستان رەسپۋبليكاسىنىڭ باس مەملەكەتتىك سانيتاريالىق دارىگەرىنىڭ 2021 جىلعى 26 تامىزداعى №37 قاۋلىسىنا سايكەس جۇمىستار اتقارىلۋدا.

شىمكەنت قالاسىندا بۇگىنگى كۇنگە دەيىن «Ashyq» جوباسىنا 4603 نىسان ەنگەن. «Ashyq» جوباسى بويىنشا «قىزىل» جانە «سارى» ستاتۋسپەن انىقتالعان جەكە تۇلعالار بويىنشا 1468 حابارلاما كەلىپ ءتۇستى. شىمكەنت قالاسى بويىنشا انىقتالعانى 1304، سونىڭ 863ء-ى «قىزىل» جانە 441ء-ى «سارى» ستاتۋسپەن انىقتالعاندار. «قىزىل» جانە «سارى» مارتەبەسى بار انىقتالعان تۇلعالارعا 14 كۇندىك ءۇي كارانتينىن ساقتاۋ قاجەتتىگى تۋرالى حابارلاما بەرىلەدى.

شىمكەنت قالاسىنىڭ سانيتاريالىق-ەپيدەميولوگيالىق باقىلاۋ دەپارتامەنتىنىڭ ماماندارى «سارى» مارتەبەسى بار تۇلعالارعا سانيتاريالىق-ەپيدەمياعا قارسى ءىس-شارالاردى ورىنداۋ تۋرالى 382 قاۋلى شىعاردى.

باسقا وبلىستاردان كەلىپ انىقتالعان جەكە تۇلعالار (164 ادام) بويىنشا سانيتاريالىق-پروفيلاكتيكالىق ءىس-شارالار اتقارۋ ءۇشىن ق ر دسم سانيتارلىق-ەپيدەميولوگيالىق باقىلاۋ كوميتەتىنىڭ اۋماقتىق دەپارتامەنتتەرىنە سانيتارلىق-پروفيلاكتيكالىق ءىس-شارالار وتكىزۋ ءۇشىن حاتتار جولداندى.

ءۇي كارانتينى رەجيمىن ساقتاماعان 221 «قىزىل» مارتەبەسىمەن انىقتالعان جەكە تۇلعالارعا 9599630 تەڭگەگە ايىپپۇل سالىندى.

ءۇي كارانتينى رەجيمىن ساقتامايتىن «قىزىل» مارتەبەسى بار جەكە تۇلعالاردى انىقتاۋ جانە ولاردى اكىمشىلىك جاۋاپكەرشىلىككە تارتۋ بويىنشا جۇمىستار جالعاسۋدا.