شىمكەنت قالاسىنداعى ماڭىزدى نىسانداردىڭ ءبىرى رەسپۋبليكا داڭعىلى. رەسپۋبليكا داڭعىلى  كولىك اعىنىنىڭ قارقىندىلىعىنا بايلانىستى جانە قالانى وزگە ەلدى-مەكەندەرمەن بىرىكتىرەتىندىكتەن قالامىزدىڭ باستى ماگيسترالدى كوشەلەرىنىڭ ءبىرى بولىپ تابىلادى.

مۇرات ايتەنوۆ بۇگىن رەسپۋبليكا داڭعىلىنىڭ بويىنداعى تروتۋار سالۋ جانە جاڭا ايالدامالار ورناتۋ جۇمىستارىنىڭ بارىسىمەن تانىستى.

رەسپۋبليكا داڭعىلىنىڭ جالپى ۇزىندىعى ءتورت جولاقتى 5،3 شاقىرىمدى، ال جولدىڭ ەنى 28 مەتردى قۇرايدى. كوشەنىڭ ءبولۋ جولاعىنىڭ ءبىر شەتىنە سۋ قاشىرعىش قۇبىرلار، ال ەكىنشى جاعىنا لوتوك ورناتىلۋدا جانە ەنى 2،25 م جاياۋ جۇرگىنشى جولى سالىنعان. قۇبىر ۇستىنەن ب.مومىش ۇلى كوشەسىنەن جەر استى وتكەلىنە («كولوس» ايالداماسىنا) دەيىن ۆەلوجول قاراستىرىلعان، اسفالت قۇبىر ارقىلى لوتوكقا باراتىنداي ەتىپ توسەلگەن.
رەسپۋبليكا داڭعىلىنا جوسپار بويىنشا 10 نۇكتەگە جاڭا ۇلگىدەگى ايالداما قويىلادى. قازىرگى ۋاقىتتا ونىڭ 5ء-ى ورناتىلعان.

بۇل جۇيە بۇعان دەيىن ا.بايتۇرسىنوۆ كوشەسىندە تەكسەرىلىپ الىنعان. جولدىڭ تومەڭگى تۇزەتۋ قالىڭدىعى 9سم، ال اسفالت بەتوننىڭ بەتكى قاباتى 5سم قۇرايدى.

وسى جۇمىستاردى 2021 جىلدىڭ قىركۇيەك ايىندا اياقتاۋ جوسپارلانىپ وتىر.

شىمكەنت قالاسىنىڭ وڭتۇستىك قاقپاسىنا سانالاتىن بۇل داڭعىلدىڭ قۇرىلىس جۇمىستارى «كورپوراسيا بەرەكە-ا» جشس-گىنە جۇكتەلگەن جانە تەحنيكالىق قاداعالاۋشى «ارمان ستروي حولدينگ» جشس-گى.