شىمكەنت قالاسىنىڭ اكىمى مۇرات ايتەنوۆ «وڭتۇستىك» اينالما جولىنىڭ قۇرىلىسىمەن تانىستى. ارالاۋ بارىسىندا اكىم جۇمىستىڭ ساپاسىنا نازار اۋداردى. سونىمەن بىرگە، مەردىگەر مەكەمەگە جۇمىستا قولدانىلاتىن قۇرىلىس ماتەريالدارى، قازاقستاندىق ءونىم بولۋى قاجەت ەكەنىن ەسكەرتتى.

قۇرىلىسى سالىنىپ جاتقان ەكى جولاقتى جولدىڭ ۇزىندىعى 16 شاقىرىم بولسا، كوشەنىڭ ەنى 15 مەتردى قۇرايدى. جول قۇرىلىسى لەنگىر تاس جولىنان باستاپ كح-15 وبلىستىق ماڭىزى بار اۆتوجولىنا دەيىنگى ارالىقتى الادى.

2021-2022 جىلدارعا جوسپارلانعان جول-قۇرىلىسىنا جاۋاپتى مەردىگەر مەكەمە «كورپوراسيا بەرەكە-ا» ج ش س. قازىرگى تاڭدا اتالعان نىساننىڭ شىمكەنت-تاشكەنت جولىنا قيىلىساتىن بولىگىندە جول وتكەلى، ياعني كوپىر قۇرىلىسى سالىنۋدا.

جالپى 16 شاقىرىمنىڭ 3 بولىگىندە جولدىڭ نەگىزىن دايىنداۋ جۇمىستارى قولعا الىنعان. ءقازىر كوپىر وتكەلى قۇرىلىسى، جول جابىنىنىڭ جەر جۇمىستارى اتقارىلۋدا. بەكىتىلگەن وندىرىستىك كەستەگە سايكەس، بيىل جولايرىق قۇرىلىسى، بايلانىس، ەلەكتر، گاز، سىرتقى سۋمەن قامتۋ جۇيەلەرىنىڭ ورنىن اۋىستىرۋ جانە جول قۇرىلىسى جۇمىستارى جوسپارلانعان.