شىمكەنتتە قالا اكىمىنىڭ توراعالىعىمەن وتكەن ينۆەستيسيالىق شتابتىڭ كەزەكتى وتىرىسىندا جاڭا جوبالار ۇسىنىلعان بولاتىن.

كەزەكتى جيىندا «يۋجسترويسەرۆيس» ج ش س جوعارى ساناتتى قويمالار قۇرىلىسى جوباسىن تانىستىردى. ا ساناتىندا قويمالار ءوندىرىسىنىڭ قۋاتتىلىعى – 10 مىڭ شارشى مەترگە دەيىن.
جوبا قۇنى – 1 100 ملن تەڭگە. جەر تەلىمىنىڭ اۋماعى – 2،5 گا. ينۆەستورلار جوبانى 2022 جىلى جۇزەگە اسىرۋدى جوسپارلاۋدا. جوبا بويىنشا 60 ادام تۇراقتى جۇمىس ورنىمەن قامتىلادى.

شتاب وتىرىسىندا ينۆەستورلار ءوندىرىس ءۇشىن جەر تەلىمى قاجەت ەكەنىن مالىمدەدى. كاسىپكەرلەرگە ساۋدا-لوگيستيكالىق ورتالىق اۋماعىنان جەر تەلىمى ۇسىنىلدى.

شاھاردا ساۋدا-لوگيستيكالىق، ءوندىرىستىڭ ءتۇرلى باعىتتارى جان-جاقتى دامىپ كەلەدى. بۇل رەتتە ءوندىرىس ءۇشىن قاجەتتى دايىن قويمالار سالۋدىڭ ماڭىزى زور.