شىمكەنت قالاسىنىڭ اكىمى مۇرات ايتەنوۆ سالا ماماندارىمەن بىرگە مەگاپوليستىڭ الداعى جىلىتۋ ماۋسىمىنا دايىندىق بارىسىن پىسىقتادى.

بۇگىندە قالاداعى جىلۋ جۇيەسىنە قوسىلعان 1945 كوپقاباتتى ءۇيدىڭ 93 پايىزى جىلىتۋ ماۋسىمىنا تولىق دايىن. ال، قالعان ۇيلەرگە جىلۋدى جەتكىزۋ جۇيەلەرىندە جوندەۋ جۇمىستارى قارقىندى ءجۇرىپ جاتىر. وسىلاي دەگەن قالالىق ەنەرگەتيكا جانە ينفراقۇرىلىمدى دامىتۋ باسقارماسىنىڭ باسشىسى بورانباي بولاتبەكوۆ بيۋدجەتتىك نىساندار 98 پايىزعا دايىن ەكەنىن مالىمدەدى.

قالا اۋماعىندا 482 بيۋدجەتتىك نىسان ورنالاسقان، بۇگىنگى تاڭدا 474 نىسان دايىندالدى. ياعني، نىسانداردىڭ 98% الداعى جىلىتۋ ماۋسىمىنا دايىن. اتاپ ايتقاندا 256 ءبىلىم نىسانى، 33 سپورت جانە 14 الەۋمەتتىك وبەكتىلەردىڭ بارلىعى دايىن. ال، دەنساۋلىق ساقتاۋداعى 109 نىساننىڭ بۇگىندە 103 دايىن، ول 94 پايىز، مادەنيەت سالاسىندا 70 نىسان بولسا، ونىڭ 97 پايىزى دايىندالعان.

بيۋدجەتتىك نىسانداردىڭ كومىرگە قاجەتتىلىگى 4،7 مىڭ توننا، تاسىمالدانعانى 4،6 مىڭ توننا، سۇيىق وتىنعا قاجەتتىلىگى 980 توننا بولسا، تولىق قامتاماسىز ەتىلگەن. قاجەتتى وتىن كولەمى 1 قىركۇيەككە دەيىن جەتكىزىلۋى ءتيىس.

سونىمەن قاتار سالا جەتەكشىسى قالادا ەسكىرگەن جىلۋ قۇبىرلارىن اۋىستىرۋ جۇمىستارى قارقىندى تۇردە جۇرگىزىلىپ جاتقانىن اتاپ ءوتتى. ونىڭ ايتۋىنشا، وسى جىلى جىلۋ جۇيەلەرىنىڭ توزۋ دەڭگەيىن تومەندەتۋ ماقساتىندا جەرگىلىكتى بيۋدجەتتەن 1،96 ملرد. تەڭگە قارالىپ، 29،5 كم جىلۋ جۇيەلەرىنە اعىمداعى جوندەۋ جۇمىستارى جۇرگىزىلۋدە ەكەن. بۇگىنگى كۇنگە جۇمىستاردىڭ 84 پايىزى ورىندالعان، ول 24،7 كم. كەستەگە سايكەس قىركۇيەك ايىنىڭ سوڭىنا دەيىن تولىق اياقتالادى. قالانىڭ جىلۋ جۇيەلەرىنىڭ ۇزىندىعى 419،3 كم، جىلۋ ماۋسىمىنان سوڭ 100% قىسىممەن تەكسەرۋ جۇمىستارى جۇرگىزىلىپ، 84 اقاۋ ورىن الىپ، تولىق قالپىنا كەلتىرىلدى.

«3-ەنەرگوورتالىق» اق-دا قىسقى ماۋسىمعا دايىندىق جۇمىستارى جۇرگىزىلۋدە. مەكەمەنىڭ رەزەرۆتىك وتىنعا قاجەتتىلىگى 8 مىڭ توننا، قويمادا 7،8 مىڭ توننا بار (98%). ال، «قۋاتجىلۋورتالىق-3» مكك-نا قاراستى قالاداعى 12 دانا جىلۋ قازاندىقتاردان قىسقى ماۋسىمعا دايىندالعانى 11. ەكى قازاندىققا قاجەتتى كومىر كولەمى 1،1 مىڭ توننا، قويمادا 600 توننا كومىر بار، قالعان كولەمى 1 قازانعا دەيىن تولىق تاسىمالدانادى. قالا اۋماعىندا ورنالاسقان جىلۋ جۇيەسىندەگى 17 سورعى ستانسالاردان قىسقى ماۋسىمعا دايىندالعانى 15، قالعان ەكى سورعى ستانسالاردا دايىندىق جۇمىستارى جۇرگىزىلۋدە.

تۇرعىنداردىڭ ءومىر سۇرۋىنە قولايلى جاعداي جاساۋ باستى ماقساتتاردىڭ ءبىرى ەكەنىن ايتقان قالا باسشىسى جوسپارلانعان جوندەۋ جۇمىستارىن بەلگىلەنگەن مەرزىمدە اياقتاۋدى تاپسىردى. سونىمەن بىرگە قاجەتتى كولەمدە وتىندى الدىن الا جەتكىزۋدى قامتاماسىز ەتۋدى، ىشكى نارىقتا باعالاردىڭ وسۋىنە جانە كومىردىڭ تاپشىلىعىنا جول بەرمەۋ ءۇشىن تۇراقتى تەكسەرۋ جۇمىستارىن ۇيىمداستىرۋدى ايتتى