شىمكەنت قالاسىندا 2021 جىلدىڭ 8 ايىنىڭ قورىتىندىسى بويىنشا تۇرعىن ءۇي كەزەگىندەگى كوپبالالى وتباسىلار، حالىقتىڭ الەۋمەتتىك جاعىنان ءالسىز توپتارى، جەتىم جانە اتا-اناسىنىڭ قامقورلىعىنسىز قالعان بالالار ساناتتارىنا سايكەس باسپانامەن قامتىلعان جانە ساناتىن جوعالتقان، اتىنا تۇرعىن ءۇي تىركەلگەن، قايتىس بولعان، باسقا ەلدi مەكەنگە تۇراقتى تۇرۋ ءۇشiن كەتكەن، نەسيەلىك باعدارلاما ارقىلى پاتەرمەن قامتىلعان 1679 ازامات تۇرعىن ءۇي كەزەگىنەن شىعارىلدى.

ونىڭ ىشىندە كوپبالالى وتباسىلار ساناتى بويىنشا 234 ازامات، حالىقتىڭ الەۋمەتتىك جاعىنان ءالسىز توبى 383، جەتىم جانە اتا اناسىنىڭ قامقورلىعىنسىز قالعان بالالار ساناتى بويىنشا 32، بيۋدجەتتىك ۇيىم جانە مەملەكەتتىك قىزمەتكەرلەر ساناتى بويىنشا 1030 ازاماتتى «تۇرعىن ءۇي قاتىناستارى تۋرالى» زاڭىنىڭ تالاپتارىنا سايكەس كەزەكتەن شىعارۋ جۇمىستارى جۇرگىزىلدى.

ايتا كەتۋ كەرەك، «تۇرعىن ءۇي قاتىناستارى تۋرالى» زاڭىنىڭ 73 بابىنىڭ تالاپتارىنا سايكەس كەزەكتەن شىعارۋ تۇرعىن ءۇي باسقارماسىمەن جۇزەگە اسىرىلادى.