شىمكەنت قالاسىندا ەسكىرگەن جىلۋ قۇبىرلارىن اۋىستىرۋ جۇمىستارى قارقىندى تۇردە جۇرگىزىلىپ جاتىر. بيىل قالادا ۇزىندىعى 29،5 شاقىرىم بولاتىن جىلۋ جۇيەلەرىنە اعىمداعى جوندەۋ جۇمىستارى جۇرگىزىلۋدە. بۇل تۋرالى قالالىق ەنەرگەتيكا جانە ينفراقۇرىلىمدى دامىتۋ باسقارماسىنىڭ باسشىسى بورانباي بولاتبەكوۆ ءمالىم ەتتى.

ونىڭ ايتۋىنشا، وسى جىلى جىلۋ جۇيەلەرىنىڭ توزۋ دەڭگەيىن تومەندەتۋ ماقساتىندا جەرگىلىكتى بيۋدجەتتەن 1،96 ملرد. تەڭگە قارالعان. بۇگىنگى كۇنگە جۇمىستاردىڭ 84 پايىزى ورىندالعان، ول 24،7 شاقىرىمدى قۇرايدى. كەستەگە سايكەس قىركۇيەك ايىنىڭ سوڭىنا دەيىن تولىق اياقتالادى.
ايتا كەتەيىك، قالانىڭ جىلۋ جۇيەلەرىنىڭ ۇزىندىعى 419،3 شاقىرىمدى قۇرايدى. جىلۋ ماۋسىمىنان سوڭ قىسىممەن تەكسەرۋ جۇمىستارى جۇرگىزىلىپ، 84 اقاۋ ورىن العانى انىقتالعان. انىقتالعان كەمشىلىكتەر تولىعىمەن قالپىنا كەلتىرىلگەن.