شىمكەنت قالاسىنىڭ اكىمى مۇرات ايتەنوۆ قالا پەداگوگتارىنىڭ ءداستۇرلى تامىز كونفەرەنسياسىندا ۇستازداردى جاڭا وقۋ جىلىمەن قۇتتىقتادى. جيىنعا قالا اكىمىمەن بىرگە شىمكەنت قالاسى ءماسليحاتىنىڭ حاتشىسى ب.نارىمبەتوۆ، «Nur Otan» پارتياسى شىمكەنت قالاسى فيليالى ءتوراعاسىنىڭ ءبىرىنشى ورىنباسارى ج.بەكتايەۆا، قالالىق ءماسليحات دەپۋتاتتارى قاتىستى.

قالا مەكتەپتەرىنىڭ ءداستۇرلى وقۋ فورماتىنا دايىندىعىن اتاپ وتكەن قالا باسشىسى بالالاردىڭ دەنساۋلىعىن ساقتاۋ ءبىرىنشى كەزەكتەگى ماسەلە ەكەندىگىنە كوڭىل ءبولدى. قالا اكىمىنىڭ ايتۋىنشا، زياتكەر ۇرپاق تاربيەلەۋ باستى ستراتەگيالىق مىندەت بولىپ بەلگىلەنگەن. ءبىلىم سالاسىندا ماقساتتى ينديكاتورلىق كورسەتكىشتەر قويىلىپ، ادامي كاپيتالدىڭ ساپاسىن ارتتىرۋ مىندەتتەرى مەجەلەنگەن.

بۇل باعىتتا مەملەكەت باسشىسىنىڭ تاپسىرماسىنا سايكەس، ءبىلىم بەرۋ ۇيىمدارىنىڭ قۇرىلىسىن جۇرگىزۋ، ولاردىڭ جابدىقتالۋ دەڭگەيىن ارتتىرۋ، ءبىلىم سالاسىندا مەملەكەتتىك-جەكەمەنشىك ارىپتەستىكتى جولعا قويۋ، پەداگوگ كادرلاردىڭ الەۋەتىن كوتەرۋ، تاعى باسقا ماڭىزدى كورسەتكىشتەر قامتىلعان.

الداعى 5 جىلدا قالادا 72 مەكتەپتىڭ قۇرىلىسىن جۇرگىزۋ جوسپارلانىپ، ءۇش اۋىسىمدى مەكتەپتەر ماسەلەسى مەن مەكتەبى جوق شاعىناۋداندار مەن تۇرعىن الاپتاردا جاڭا مەكتەپتەر سالىنباق. بيىلدىڭ وزىندە 32 مەكتەپتىڭ قۇرىلىسى باستالىپ، 20 مەكتەپ جىل سوڭىنا دەيىن ىسكە قوسىلماق. 16 مەكتەپتىڭ قۇرىلىسىنا جەكە ينۆەستورلار تارتىلعان. ماقساتتى كورسەتكىشتەرگە قول جەتكىزۋدە قالالىق ءماسليحات تا قولداۋ كورسەتىپ كەلەدى.

ءبىلىم سالاسىنا مەملەكەت تاراپىنان قامقورلىق جىل ساناپ ارتىپ وتىرعاندىعىن مالىمدەگەن قالا باسشىسى، پەداگوگتاردان تەك ءبىلىم ساپاسىن ارتتىرۋ عانا كۇتىلەتىنىن ايتتى. وقۋشىلارىمىز ءبىلىم وليمپيادالارى مەن ۇلتتىق تەستىلەۋ كورسەتكىشتەرىنەن وق بويى وزىق تۇرۋى كەرەك. بۇگىن مەكتەبىنە ۇلەس قوسقان بالا، ەرتەڭ ەلىنە ۇلەس قوساتىن بولادى. زياتكەرلىك باسەكە ورنىققان بۇگىنگىدەي كەزەڭدە بالالارىمىز وزدەرىن كۇندەلىكتى جەتىلدىرۋى ءتيىس.

ۇستازداردى بالالارىمىزدى جان-جاقتى دامىتۋعا شاقىرامىن. ءبىلىم ساپاسى سىنالاتىن قازىرگى ۋاقىت ۇستازدار بىلىكتىلىگىن دە ۇنەمى شىڭداۋدى تالاپ ەتەتىندىگىن اتاپ وتكىم كەلەدى. كاسىبي تۇرعىدا دايىندىعى مىقتى پەداگوگ قاي كەزدە دە جوعارى سۇرانىستا بولادى.
مەكتەپتىڭ بالا تاربيەسىندەگى رولىنە توقتالعان قالا اكىمى، وقۋشىلاردىڭ قوسىمشا بىلىممەن، تاربيە شارالارىمەن قامتۋدىڭ ماڭىزى زور ەكەنىن ايتتى. بۇل باعىتتا سپورتتىق جانە شىعارماشىلىق ۇيىرمەلەر جاندانىپ جاتقاندىعىن، بالالارىمىزدىڭ جان-جاقتى دامۋى ءۇشىن بارلىق مۇمكىندىكتەر قاراستىرىلعانىن اتاپ ءوتتى. سىنىپ جەتەكشىلەرىنە وسى مۇمكىندىكتەردى ءتيىمدى پايدالانۋعا شاقىردى.

تەحنولوگيالىق مۇمكىندىكتەر تۇرمىسىمىزدى بارىنشا وڭايلاستىرىپ جاتقاندىعىن اتاپ وتكەن قالا باسشىسى، ينتەرنەت كەڭىستىكتىڭ بالا تاربيەسىنە تەرىس ىقپال ەتەتىن فاكتورلارىن دا ەسكەرۋدى سۇرادى. بالالاردى كيبەركەڭىستىكتەگى ناشاقورلىق بيزنەسىنەن بارىنشا قورعاپ، ولاردىڭ الەۋمەتتىك جەلىدەگى بەلسەندىلىگىن باقىلاۋدا ۇستاۋدى تاپسىردى.

مۇرات دۇيسەنبەك ۇلى كوللەدجدەر ەڭبەك نارىعىنا قاجەتتى تەحنيكالىق ماماندار دايارلاۋدىڭ ورتالىعى بولۋى ءتيىس ەكەندىگىن اتاپ ءوتتى. بۇل باعىتتا سالا جەتەكشىلەرىنە قالا كوللەدجدەرىندە قۇرىلىسشى ماماندىقتار بويىنشا كادرلار دايارلاۋدى تاپسىردى.
جيىندى قورىتىندىلاعان قالا اكىمى بەرىلگەن تاپسىرمالار قالانىڭ ءبىلىم ساپاسىن جاڭا دەڭگەيگە شىعارادى دەگەن سەنىمىن ءبىلدىردى.