شىمكەنتتە مۇمكىندىگى شەكتەۋلى ازاماتتار ءۇشىن قولايلى ورتا قالىپتاستىرۋ ماقساتىندا الەۋمەتتىك تاكسي مەن ينۆاتاكسي قىزمەت كورسەتەدى.

شىمكەنت قالاسى بويىنشا بەكىتىلگەن 18 ينۆاتاكسي مۇمكىندىگى شەكتەۋلى جانداردى قالا ىشىندەگى قالاعان مەكەنجايىنا تەگىن اپارادى. ماسەلەن، جۇمىس، وقۋ ورنىنا، مەديسينالىق مەكەمەلەرگە، اۋەجايلار، تەمىرجول ۆوكزالدارى جانە ت.ب. بەلگىلەنگەن پۋنكتتەرگە جەتكىزىلەدى. ينۆاتاكسي قىزمەتىنە ءجۇرىپ-تۇرۋى قيىن ءبىرىنشى، ەكىنشى توپ پەن 16 جاسقا دەيىنگى مۇگەدەكتىگى بار ازاماتتار جۇگىنە الادى.

بەكىتىلگەن اۆتوكولىكتەر جىلجىمالى قۇرىلعىمەن جانە كرەسلو-اربالاردى ورناتۋعا ارنالعان قۇرالدارمەن جابدىقتالعان.

مەن 2ء-شى توپ مۇگەدەگىمىن، ينۆاتاكسيدىڭ كومەگىمەن كۇندە جۇمىسقا بارامىن. مەملەكەتتەن بەرىلىپ جاتقان ينۆاتاكسي – قولايلى، قولجەتىمدى. تەك ءوتىنىشتى 1 كۇن بۇرىن قالدىرۋ كەرەك. ءوتىنىش قابىلدانعان سوڭ قالاعان جەرىڭە تەگىن بارۋعا بولادى. وسى سەكىلدى كومەك تۇرلەرىن الىپ جاتقانىمىزعا العىسىمىز شەكسىز.

ايتا كەتەيىك، ينۆاتاكسي قىزمەتىنە جىل باسىنان بەرى 500-دەن استام ازاماتتان ءوتىنىم قابىلدانعان. كۇنىنە 200-گە جۋىق ءوتىنىش تۇسەدى. ءوتىنىش بەرۋشى 1 كۇن بۇرىن ديسپەچەرگە حابارلاسىپ، تاپسىرىس قالدىرا الادى.